774
Алексей Цыденов ажаллагшадые бүридхэн хүтэлбэрилхэ шиидхэбэринүүд болон Соёлой болон аяншалгын яаман байгуулха тухай хэлэбэ.
Буряад Уласай Засагай газарай Түрүүлэгшын эдэй засагай хүгжэлтын талаар орлогшоор Игорь Зураев томилогдобо. Алексей Цыденовэй хэлэһэнэй ёһоор, Игорь Зураев олзын хэрэг эрхилэгшэдтэй, үйлэдбэрилэгшэдтэй амжалтатайгаар ажал ябуулна, тэрэнэй хүтэлбэрилһэн худалдаа-үйлэдбэриин танхим хүгжэжэ эхилээ. Игорь Зураев 2015 онһоо хойшо Буряад Уласай худалдаа-үйлэдбэриин танхим хүтэлбэрилнэ.
Буряад Уласай Засагай газарай Түрүүлэгшын аюулгүйе сахиха асуудалай талаар орлогшоор, Буряад Уласай Засагай газарай гэшүүнээр Петр Мордовской томилогдобо. Тэрэнэй мэдэлдэ наркотик хинаха, алан һүрдэгшэдтэй тэмсэхэ, арад зоноо баталан хамгаалха, сэрэгтэ таталга гэһэн асуудалнууд орохо гэжэ түсэблэлгын суглаан дээрэ Алексей Цыденов тэмдэглэбэ. Энээнһээ урид Петр Мордовской Буряад Уласай Толгойлогшын Захиргаанай болон Засагай газарай Хүтэлбэрилэгшын хуули сахиха албантай ажал ябуулха талаар орлогшоор хүдэлһэн байна.
Буряад Уласай Соёлой яаман Соёлой болон аяншалгын яаман болохо гэжэ түсэблэлгын суглаан дээрэ Алексей Цыденов дуулгаба.
Анна Огороднигой гэрэл зураг.
