808
Октябриин 20-до үнгэргэгдэхэ съездын урда бэлэдхэлэй ажал ябуулжа, Аха, Түнхэн болон Кабанск аймагуудай болон Буряад Уласай Арадай Хуралай һунгамалнууд зүблөөндэ хабаадаба.
Энэ хэмжээ ябуулгада һунгамалнууд аймагуудайнгаа шиидхэхэ шухала асуудалнуудые табиһан байна. Түнхэн, Аха, Кабанск аймагуудай һунгамалнуудые шагнажа, анхаралаа хандуулжа, эдэ асуудалаар шиидхэбэри абаха болонобди гэжэ Буряад Уласай Арадай Хуралай Гүрэнэй байгуулалтын, нютагай өөһэдын хүтэлбэриин, хуули ёһоной болон гүрэнэй албанай асуудалнудай талаар хорооной түрүүлэгшэ Борис Ботоев хэлэбэ.
- Октябриин 20-до үнгэргэгдэхэ съезддэ бэлэдхэл хэжэ, аймагуудтаа шиидхэхэ шухала асуудалнуудые хараадаа абанабди. Аймаг бүхэндэ иимэ асуудалнууд олон. Жэшээлбэл, Аха аймагта заншалта байгаалиин ашаглалга болон ашагта малтамал үйлэдбэри бэелүүлдэг эрхилэгшэд үнгэргэгдэдэг социальна хэмжээ ябуулгануудта хабаадажа, аймагтаа туһа хүргэжэ байха тухай хэлэбэ. Түнхэнэй аймагай һунгамалнууд Түнхэнэй дархан газарай болон ажаһуугшадай эрхэ хараалан, асуудал шиидхэхэ тухай дуулгаба. Кабанск аймагта омоли загаһанай үйлэдбэри һэргээжэ, Байгал шадарай аймагуудай нуурай эрьеэр байрладаг зоной ажаябуулга хизаарлаһан федеральна хуулиин талаар асуудалнуудые табина. Аймаг бүхэнэй һунгамалнуудай дурадхалнуудые шагнажа, зохихо шиидхэбэринүүдые абахабди, - гэжэ Борис Ботоев хэлэбэ.
