1088
Буряад Уласай Толгойлогшын уялгануудые дүүргэгшэ Алексей Цыденов албанай хэрэгээр Аха аймагта ерэжэ, “Сойотское” һомоной Сорогой интернат-һургуули, амбулатори болон ниигэмэй удха шанартай эмхинүүдтэ хүрэхэ.
Үсэгэлдэр үдэшэ Алексей Цыденов Түнхэн аймагһаа ерэжэ, Самарта тосхоной ашагта малтамалнуудые олзоборилогшодтой уулзаба. Удаань Өөрлигэй залуушуул болон тамиршадтай, аймагай зүблэлэй һунгамалнуудтай уулзалганууд түсэблэгдэнхэй. Түсэблэгдэһэн программын ёһоор Алексей Цыденов соёлой-сүлөө сагай түб хүрэжэ, Аха аймагай ажаһуугшадай асуудалнуудта харюусаха юм.
“Монды-Өөрлиг” гэһэн уласай харгын Улаан-Нуга газарта харгы уһанда абтаба. Мүнөө үглөөгүүр Аха аймагай засаг дарга Матвей Мадасов үерэй аюулай онсо байдал соносхожо, аймагай захиргаан энэ ушараар хэрэгтэй дансануудые бэлдэжэ, Онсо байдалай талаар яаманай эрхэ байдалай хүтэлбэриин түбтэ эльгээнхэй. Аха голой эхин багта бороо хоёрдохи үдэрөө орожо байна, аймагай бэшэ нютаг газарнуудта аадар болинхой. 3,5 м үндэрһөө дээшэ уһан гарахадаа, үерэй аюултай гэжэ тоологдодог. Аха, Эрхүү голнууд энэ үндэрһөө 1,1 метрээр ехэ болонхой.
Автор:
Описание:
