720
Мүнөөдэр Ородой Холбоото Уласай Засагай газарай түрүүлэгшын орлогшо Аркадий Дворкович Буряад Уласта бууба.
Буряад Уласай Засагай газартай хамта “Аюулгүй, һайн шанартай харгынууд” гэһэн түсэлөөр тэрэ зүбшэн хэлсэхэ, удаань энэ түсэлөөр заһабарилагдажа байһан харгынуудые шалгаха юм.
Аркадий Владимирович Дворкович 2012 оной майн 12-һоо хойшо Ородой Холбоото Уласай Засагай газарай түрүүлэгшын орлогшо, 2004 онһоо хойшо Ородой Холбоото Уласай гүрэнэй бодото зүблэгшэ болоһон юм. Тэрэ 2015 оной июниин 22-һоо «РЖД» гэһэн хуби ниилүүлһэн нээмэл бүлгэмэй захиралнуудай зүблэлэй түрүүлэгшэ ябаһан.
Тиихэдэ 2000 оной август һараһаа Аркадий Дворкович Ородой Холбоото Уласай Эдэй засагай хүгжэлтын болон худалдаа найманай сайдай зүблэгшөөр хүдэлөө. Удаань 2001 оной мартын 26-да Ородой Холбоото Уласай Эдэй засагай хүгжэлтын болон худалдаа найманай сайдай орлогшоор томилогдоһон юм. 2004 оной апрель һараһаа Аркадий Владимирович Ородой Холбоото Уласай Юрэнхылэгшын мэргэжэлтэ шүүбэришэдэй хүтэлбэриин дарга болоһон намтартай. 2008 оной майн 13-һаа Ородой Холбоото Уласай Юрэнхылэгшэ Дмитрий Медведевэй туһалагшаар Аркадий Дворкович томилогдоо. Тэрэ 2010 онһоо хойшо “Сколково” жасын тэдхэмжын зүблэлэй гэшүүн болоһон юм. 2012 оной майн 21-һээ хойшо Ородой Холбоото Уласай Засагай газарай түрүүлэгшын орлогшоор тэрэ томилогдоһон байна. 2012 оной июлиин 4-һөө хойшо эдеэ хоолой дэлгүүрнүүдые шалгаха, хинаха засагай газарай комиссиин түрүүлэгшээр Аркадий Дворкович томилогдоо. Удаань 2015 оной июниин 22-то тэрэ «РЖД» гээһн хуби ниилүүлһэн нээмэл бүлгэмэй захиралнуудай зүблэлэй түрүүлэгшэ болоһон намтартай.
Kremlinpress сайтһаа гэрэл зураг абтаба.
