725
Ородой Холбоото Уласай Засагай газарай Түрүүлэгшын орлогшо Аркадий Дворкович болон Буряад Уласай Толгойлогшын уялга дүүргэгшэ Алексей Цыденов мүнөөдэр элшэ хүсэнэй, харгын ажахы хүгжөөлгын асуудалнуудаар зүблөөндэ хабаадаба.
“Аюулгүй, һайн шанартай харгынууд” гэһэн түсэлдэ Улаан-Үдын болон дүтын аймагууд оруулагдаһан байна. Ородой Холбоото Уласай Засагай газар тэрэниие дэмжэжэ, мүнгэ һомолно.
«Харгын заһабарилгын иимэ ажалнууд Буряад Уласта анхан хэзэээшье хэгдээгүй. Буряад Уласай засаг зургаан ажаһуугшадтай зүбшэн хэлсэнэ. “Аюулгүй, һайн шанартай харгынууд” гэһэн түсэлөөр Ородой Холбоото Уласай Засагай газар энэ асуудалаар шанга эрилтэнүүдые табидаг юм. Улаан-Үдэдэ хэгдэжэ байһан ажалаар уриматайбди. Харгы заһабарилгын ажалнууд бусад нютагуудһаа хойнотожо эхилһэншье һаа, мүнөө тэрэнээ саг соонь ябуулжа байнат. Эхин дээрээ бүхы харгынуудайнгаа хахадыень һайн шанартай болгохо түсэбтэйбди», - гэжэ Аркадий Дворкович хэлэбэ.
Хамта дээрээ манай уласта харгы заһабарилгада “Аюулгүй, һайн шанартай харгынууд” гэһэн түсэлөөр 600 сая түхэриг үгтэнхэй гэжэ һануулнабди.
