952
Мүнөөдэр, июлиин 27-до, Ородой Холбоото Уласай Юрэнхылэгшын Сибириин федеральна тойрогто Бүрин эрхэтэ түлөөлэгшэ Сергей Меняйло Буряад Уласай Толгойлогшын уялга дүүргэгшэ Алексей Цыденовтэй хамта Байгал шадарай аймагай Черёмушки тосхон гараба. Үндэр сайд ажаһуугшадтай уулзажа, түймэрэй хойшолонгууд усадхагдажа, гэрнүүдэй барилга хэр зэргэ ябуулагданаб гэжэ шалгаха түсэбтэй.
Сергей Меняйло энээнһээ урид Буряад Улас майн 18-да албанай хэрэгээр ерэхэдээ, Черёмушки тосхондо тохёолдоһон байдал хараһан байна.
Буряад Уласай Толгойлогшын уялгануудые дүүргэгшэ Алексей Цыденовэй хэлэһээр, уласай засаг зургаан түймэртэ гэр байраяаа алдаһан хүнүүдтэ туһа хүргэхэ.
- Гэрнүүдые барилгын ажалнууд һайнаар ябуулагдана. Болзор соогоо барилга дүүрэхэ, - гэжэ Алексей Цыденов тэмдэглэбэ.
Ородой Холбоото Уласай Юрэнхылэгшэ Владимир Путин Байгал шадарай аймагай Черёмушки һууринда гэр барилга, тэндэхи ажаһуугшадта туһаламжа үзүүлхэ талаар хэгдэхэ ажал өөрын хиналта доро абанхай юм. Тиихэдэ Владимир Путин Ородой Холбоото Уласай Засагай газарта Буряад Уласай засаг зургаанда энэ талаар туһа хүргэхэ даабари үгэһэн байна гэжэ һануулнабди.
Анна Огороднигой гэрэл зураг.
