​Владимир Путин Буряад Уласта Байгал хамгаалгын болон ойн түймэрнүүдэй асуудалнуудаар зүбшэхэ

Ородой Холбоото Уласай Юрэнхылэгшэ Владимир Путин Буряад Уласта албанай хэрэгээр ажалаа ябуулна гэжэ гүрэнэй хүтэлбэрилэгшын мэдээсэлэй албан дуулгана.

Владимир Путин Байгалай гүрэнэй дархан газар хүрэжэ, Байгалай дайда хизаар байгаалияа аршалан хүгжөөхэ талаар зүблөөндэ хабаадаха. Ойн түймэрнүүдһээ хохидоһон можо нютагуудай хүтэлбэрилэгшэдтэй уулзаха.

Тиихэдэ гүрэнэй хүтэлбэрилэгшэ Буряад Уласай Толгойлогшын уялгануудые дүүргэгшэ Алексей Цыденовтэй албанай хэрэгээр уулзалга түсэблэгдэнхэй.

Байгал шадарай Черёмушки һууринда болоһон түймэрэй удаа, гэрнүүдэй барилга шалгажа, Буряад Улас ерэхэ тухайгаа Владимир Путин хэлэһэн байна гэжэ һануулнабди.

kremlin.ru сайтһаа гэрэл зураг абтаба.