897
Буряад Уласай Толгойлогшын уялгануудые дүүргэгшэ Алексей Цыденов газар үйлэдбэри хүжөөхэ талаар зүблөө үнгэргэжэ, хилэ сахигашадтай, ажаһуугшадтай уулзаха, һүмэ болон Обручевэй нэрэмжэтэ музейдэ хүрэхэ юм.
Гүрэнэй тэдхэмжэдэ хүртэдэг, казах үүлтэрэй бодото мал, буряад үүлтэрэй мори, монгол үүлтэрэй хони үсхэбэрилдэг, хүдөө ажахын һалбариин түрүү үйлэдбэринүүдэй нэгэн болохо “Кяхтинское” гэһэн ажахыда хүрэжэ, Алексей Цыденов ажалаа эхилхэ юм. Тиихэдэ Буряад Уласай Толгойлогшын уялгануудые дүүргэгшэ газар үйлэдбэриин һалбариин асуудалнуудаар хүдөө ажахынуудай хүтэлбэрилэгшэд болон хүдэлмэрилэгшэдтэй зүбшэхэ юм.
Наушки һууринда Алексей Цыденов уласай дэмжэлгээр болон өөһэдынгөө хүсэ шадалаар газар дайдаяа болбосон түхэлтэй болгодог, урагшатайгаар ажалаа ябуулдаг ТОСуудай эдэбхитэдтэй уулзаха. Энэ уулзалга заншалта ёһоороо асуудал-харюу маягтайгааар үнгэргэгдэхэ, тиихэдэ ажаһуугшад зүрилдөөтэ асуудалнуудаар дурадхалнуудаа оруулха. Буряад Уласай Толгойлогшын уялгануудые дүүргэгшэ Хяагтада сэрэгэй алба хаагшад, хилэ сахигшад, таможниин болон хүүгэдэй сэсэрлигэй хүдэлмэрилэгшэдтэй уулзаха. Удаань дайнай болон ажалай ветеранууд, һомонуудай ветерануудай эмхи зургаануудай түрүүлэгшэнэр, залуу эдэбхитэд, тамиршад болон ажаһуугшадтай уулзалга эмхидхэгдэхэ.
Алексей Цыденов Владимир Обручевэй музейдэ болон һүмэ хүрэхэ түсэбтэй.
Гарагай дүрбэндэ Буряад Уласай Толгойлогшын уялгануудые дүүргэгшэ Бэшүүр аймагта ажалаа үргэлжэлүүлхэ.
Анна Огороднигой гэрэл зураг.
