757
Мүнөөдэр, августын 9-дэ, Буряад Уласай Толгойлогшын уялгануудые дүүргэгшэ Алексей Цыденов болон Засагай газарай түлөөлэгшэд албанай хэрэгээр Бэшүүр аймагта ажалаа үргэлжэлүүлнэ.
Тиихэдэ хуби ниилүүлһэн нээмэл «Интер РАО» бүлгэмэй бүридэлдэ ородог хизаарламал харюусалгатай «Угольный разрез» бүлгэмэй ябуулдаг ажал болон тэрэнэй хүгжэлтэ тухай Алексей Цыденов зүбшэхэ. Удаань Окино-Ключевскын юрэнхы болбосоролой дунда һургуули уласай хүтэлбэрилэгшэ хүрэхэ түсэбтэй. Уласай дэмжэлгээр Дээдэ Мангиртада һүмэ һэргээлгын ажал ябуулдаг, «Возрождение» ТОС-ой эдэбхитэдтэй уулзаха, Елань тосхондо таряа ургуулхаһаа гадна мал ажахы үүсхэбэрилдэг «Еланская гречиха» гэһэн бүлгэмдэ Алексей Цыденов хүрэхэ.
Удаань Буряад Уласай Толгойлогшын уялгануудые дүүргэгшэ Бэшүүр тосхондо баригдажа байһан элшэ хүсэнэй зайн галай станцида хүрэхэ түсэбтэй. Тиихэдэ аймаг дотор хүдөө ажахы эрхилэгшэдтэй, хүтэлбэрилэгшэдтэй, Бэшүүрэй интернат-гэр болон аймагай түбэй больницын хүдэлмэрилэгшэдтэй Алексей Цыденов уулзаха түсэбтэй. Удаань Бэшүүрэй Соелой байшанда ажаһуугшадтай уулзалга эмхидхэгдэхэ. Энэ уулзалга асуудал-харюу маягаар үнгэргэгдэхэ.
Анна Огороднигой гэрэл зураг.
