990
Буряад Уласай Толгойлогшын уялгануудые дүүргэгшэ Алексей Цыденов Хурамхаанай наһатайшуулай интернат-байшан хүрэжэ, эмхи зургаанай хүтэлбэрилэгшэдтэй, тэндэ ажабайгшадтай уулзаба.
Интернадай захирал Баир Очировой хэлэһээр, Буряад Уласай бүхы аймагуудһаа наһатай зон энэ байшанда ерэдэг. Мүнөө дээрээ тэндэ таби гаран хүн ажаһууна. Наһатай зоной урманда энэ эмхидэ амитадай булан нээгдэһэн байна.
“Энэ буланай амитад эдеэндэ бэшэ, сэдьхэлээ ханахын тула”, - гэжэ Буряад Уласай Ниигэмэй хамгаалгын сайдай уялгануудые дүүргэгшэ Татьяна Быкова тэмдэглэбэ.
Интернадта наһатай зон сэсэг ногоо ургуулжа, номуудые уншажа, дуратай зон ажаллажа сүлөө сагаа үнгэргэхэ аргатай.
Буряад Уласай Толгойлогшын уялгануудые дүүргэгшэ Алексей Цыденов Баргажан аймаг хүрэхэ гэжэ һануулнабди. Хүршэ аймагуудта уласай хүтэлбэрилэгшэ ТОСуудай эдэбхитэд, олзын хэрэг эрхилэгшэд, хүдөө ажахы үйлэдбэрилэгшэд, ниигэмэй һалбариин хүдэлмэрилэгшэдтэй уулзаха юм. Заншалта ёһоороо Алексей Цыденов ажаһуугшадай асуудалнуудта харюусаха.
Алёна Цыбиковагай гэрэл зураг.
