1034
Буряад Уласай Толгологшын уялгануудые дүүргэгшэ Алексей Цыденов албанай хэрэгээр Хурамхаан аймагаар ябахадаа, аймагай түбэй эмнэлгын газарта хүрэбэ.
1939 ондо баригдаһан Хурамхаанай аймагай түбэй больница мүнөө үеын федеральна эрилтэнүүдтэ тааранагүй. Дээдэ гарай мэргэжэлтэдтэй байгаад, хүнүүдтэ һайн шанартай эмнэлгын туһа хүргэжэ шаданагүйбди гэжэ эмнэлгын газарай хүтэлбэрилэгшэд тэмдэглэнэ.
- Маанадта зүрхэнэй-һудалай үбшэнһөө наһа бараха ушар бага болгохо эрилтэ табигданхай юм. Энэ эрилтэ дүүргэхэ талаар мэргэжэлтэн баайгад, таараха кабинет үгы. Тиихэдэ онколог, травматолог баһал кабинедүүд үгы юм. Аймагһаа гаража ошохо зон үсөөн байдаг. Бидэ мэргэжэлтэдтэй байгаад, һайн шанартай туһа хуушарһан байшанда хүргэжэ шаданагүйбди, - гэжэ Хурамхаанай аймагай түбэй больницын ахамад эмшэн хэлэнэ.
Эмшэдэй хэлэһээр, байшан шэнээр баригдабал аша үрэтэй, ганса дулаа алдахаа болиходоо, ехэ мүнгэн алмагдаха. Энэ асуудалаар Буряад Уласай Толгойлогшын уялгануудые дүүргэгшэ Алексей Цыденов Элүүрые хамгаалгын яаманда хандаба.
Программын ёһоор, түрүүн Тарбагатай, Кабанск аймагуудта поликлиника баригдаха, удаань энэ ээлжээндэ Хурамхаан аймаг оруулха гэжэ Элүүрые хамгаалгын сайдай орлогшо Александр Занданов хэлэбэ.
Буряад Уласай Толгойлогшын уялгануудые дүүргэгшэ Алексей Цыденов наһатай зоной Хурамхаанай интернат-байшанда хүрэжэ, ажалаа эхилһэн байна гэжэ һануулнабди.
Алёна Цыбиковагай гэрэл зураг.
