708
Буряад Уласай Толгойлогшын уялга дүүргэгшэ Алексей Цыденов мүнөөдэр Бабантын аймаг албанай хэрэгээр гараба.
Тиихэдээ тэрэ аймагай ажаһуугшадтай,тамиршадтай уулзажа, ниигэмэй эмхинүүдтэ хүрэхэ юм. Буряад Уласай Толгойлошын уялга дүүргэгшэ Романовка тосхоной һургуулида «Ростелеком» компаниин түлөөлэгшэдтэй телемостын хүсөөр харилсаха юм. Нарһата-Романовка-“Хиагда” гэһн замаар оптоволокно татагдажа, Романовкын һургуули аймагтаа эгээл түрүүн хурдан итернет холбоотой болохо. Удаань аймагай түб Багдарин, удаань хүршэ Ярууна аймагай Исингэ, Шиирингэ тосхонууд тэрэ холбоондо хамжаха.
“Ростелеком” компани улас дотор интернет холбоотой болгохо талаар ехэ ажал ябуулна. Тэдэнэр Буряад Уласай холо оршодог аймагуудта 1,5 модоной зайда оптоволокно татаха түсэбтэй. Алексей Цыденовэй хэлэһээр, Ородой Холбоото Уласта энэ талаар иимэ ехэ ажал хаанашье хэгдэнэгүй. Оршон байдалда Буряад Уласай 21 аймагуудһаа 19-ниинь оптоволоконно интернет холбоотой болонхой. Гансал холо оршодог Бабантын болон Ахын аймагуудта һайн шанартай интернет холбоо үгы юм.
Алёна Цыбиковагай гэрэл зураг.
