817
Иннокентий Егоров Буряад Уласай Засагай газарай Түрүүлэгшын нэгэдэхи орлогшын тушаалһаа бууха тухай мэдүүлгэ бэшэжэ, наһанайнгаа амаралтада гараба. Буряад Уласай Толгойлогшо Алексей Цыденов мүнөөдэр, сентябриин 25-да, энээн тухай тогтоол абажа, тэрэниинь хуулиин ёһоор хүсэндөө оробо.
Иннокентий Егоров 2004 онһоо хойшо Буряад Уласай Засагай газарай Түрүүлэгшын нэгэдэхи орлогшын тушаал эзэлжэ байгаа.
Байгша оной сентябриин 25-да Буряад Уласай Засагай газарай Түрүүлэгшын ниигэмэй хүгжэлтын талаар орлогшын тушаал сүлөөлэгдэһэн байна. Албанай тушаалай болзорой дүүрэхэдэ, Владимир Матханов мэдүүлгэ бэшээ һэн. Буряад Уласай Толгойлогшо энээн тухай тогтоол үшөө сентябриин 21-дэ абаһан байна. Энэ тогтоол үсэгэлдэр лэ хуулиин ёһоор хүсэндөө ороо.
Мэдээсэл
Иннокентий Егоров 1950 оной январиин 8-да Эрхүү можын Ойхон аймагта түрэһэн намтартай. 1966 ондо Еланцы һууринай дунда һургуули дүүргэжэ, Д. Банзаровай нэрэмжэтэ Буряадай гүрэнэй багшанарай дээдэ һуургуулиин физикэ-тоо юббодолгын һалбарида ороо һэн. 1970 ондо тоо бодолгын багшын мэргэжэлтэй боложо, Иннокентий Егоров дээдэ һургуулияа дүүргээ. 1970 онһоо 1984 он болотор тэрэ мэргэжэлээрээ хүдэлжэ, багша, удаань һургуулиин захирал болоһон юм. 1985 ондо Иннокентий Егоров Хойто-Байгалай аймагай болбосоролой таһагай даагшаар томилогдоһон намтартай. 1990 ондо Хойто-Байгалай аймагай гүйсэдхэхы хорооной түрүүлэшын нэгэдэхи орлогшоор һунгагдаһан юм. 1995 ондо Иннокетий Егоров Хойто-Байгалай аймагай гулваагаар һунгагдажа, 1999 ондо энэ тушаалда дахинаа һунгагдаа.
2002 ондо Буряад Уласай Арадай Хуралай сессидэ Иннокентий Егоров Буряад Уласай Засагай газарай Түрүүлжэгшын ниигэмэй хүгжэлтын талаар орлогшын тушаалда томилогдоо. 2004 оной декабрь һарада Буряад Уласай Засагай газарай Түрүүлэгшын нэгэдэхи орлогшын тушаалда томилогдоһон байна. Тэрэ Ородой Холбоото Уласай болон Буряад Уласай гүрэнэй шагналнуудаар нэгэнтэ бэшэ шагнагдаһан юм.
Владимир Матханов 1972оной августын 1-дэ Улаан-Үдэдэ түрэһэн юм. 1994 ондо тэрэ Москвагай Семашкын нэрэмжэтэ шүдэ эмнэлгын дээдэ һургуули дүүргэһэн намтартай. 2001 ондо һэлгээндэ эсэргүүсэн хүтэлбэрилхэ нэгэдэхи шатын бэлэдхэл гаража, 2007 ондо бодолгын эрдэмэй кандидат болоһон юм. 1994 – 2007 онуудта хуби ниилүүлһэн нээмэл «Байкалфарм» бүлгэмдэ Владимир Матханов хүдэлһэн юм.
2004 – 2007 онуудта тэрэ Хориин 63-дахи һунгуулиин тойрогһоо Буряад Уласай Арадай Хуралай һунгамал болоо. Тэрэ Буряад Уласай Арадай Хуралай Газарай асуудалнуудай, аграрна бодолгын болон эд хэрэглэлгын дэлгүүрэй талаар хороондо хүдэлһэн юм. 2004 оной октябрь һарада Буряад Уласай Арадай Хуралай дэргэдэхи Залуушуулай Танхимай түрүүлэгшэээр томилогдоо.
2007 оной декабрь һарада Владимир Матханов Буряад Уласай “Ниитэ нэгэ Росси” намһаа Ородой Холбоото Уласай Гүрэнэй Дүүмын Федеральна Суглаанай 5-дахи зарлалай һунгамал болоһон юм. Буряад Уласай Юрэнхылэгшын 2012 оной мартын 2-ой 34-дэхи тогтоолоор Владимир Матханов Буряад Уласай Засагай газарай Түрүүлэгшын ниигэмэй хүгжэлтын талаар орлогшын тушаалда томилогдоо.
Владимир Матханов Буряад Уласай агроүйлэдбэриин комплесын габьяата хүдэлмэрилэгшэ, Буряад Уласай Засгай газарай, Ородой Холбоото Уласай Гүрэнэй Дүүмын Федеральна Суглаанай баярай бэшэгүүдээр шагнагданхай.
Радна-Нима Базаровай гэрэл зураг.
