800
Ородой Холбоото Уласай Федеральна Суглаанай Федерациин Зүблэлдэ Буряад Уласай Засагай газарай түлөөлэгшэ Вячеслав Наговицын мүнөөдэр, сентябриин 26-да, Москва хото албанай хэрэгээр гараба.
Москва хотодо Вячеслав Наговицын Федерациин Зүблэлэй түрүүлэгшэ Валентина Матвиенко болон Федерациин Зүблэлэй хороонуудай хүтэлбэрилэгшэдтэй уулзаха юм.
Буряад Уласай Толгойлогшо Алексей Цыденовэй хэлэһээр, уласай ажал хэрэгэй урагшатай байхын тула федеральна засаг зургаантай аша үрэтэйгөөр ажал ябуулха хэрэгтэй.
«Вячеслав Наговицын уласта шиидхэхэ асуудалнуудые һайн мэдэнэ, федеральна засаг зургаантай ажал ябуулгын дүй дүршэл ехэтэй. Буряад Уласай асуудалнуудые шиидхэхэ хэрэгтэ дээдэ зургаанай яаман болон эмхи зургаануудтай нягта харилсажа, ажал ябуулха шухала. Вячеслав Наговицын хүн зониие таниха, дүй дүршэл ехэтэй хадаа Буряад Уласта аша үрэтэйгөөр түлөөлхэ», - гэжэ Алексей Цыденов тэмдэглэбэ.
Анна Огороднигой гэрэл зураг.
