239
Буряад Уласай Арадай Хуралай сессидэ «Буряад Уласай зарим хуулида хубилалта оруулха тухай» гэһэн хуули абтаба. Энэ хуулида зарим эрхэтэдэй пенсидэ һара бүриин нэмэлтэ мүнгэнэй хэмжээ хубилгаха тухай хэлэгдэнэ.
БМАССР, БурАССР, БурССР, КПСС-эй үедэ Засагай газарта, хүтэлбэридэ, хуули тогтоолгын болон гүйсэдхэхы засан зургаанда гүрэнэй тушаалнуудта хүдэлһэн хүнүүдэй ажалай стаж хараалан, пенсидэ нэмэлтэ мүнгэнэй хуби 50-һаа 70 хуби хүрэтэр доошолуулха тухай хуулиин түсэлдэ дурадхагдана. Энэ хуули бэелүүлэгдэбэл, һара бүхэндэ 1,76 сая түхэриг алмагдаха. 2018 оной июниин 1-һээ хуули хүсэндөө оробол, 12,32 сая түхэриг нэмэлтэ мүнгэнэй хэмжээн сүлөөрэгдэхэ.
Тиихэдэ Буряад Уласай Толгойлогшын пенсидэ нэмэлтэ мүнгэн 50 хубяар, Арадай Хуралай һунгамалнуудта 30 хубяар, гүрэнэй алба хаагшадта 10 хубяар доошолхо юм.
Сүлөөрэгдэһэн нэмэлтэ мүнгэн зургаан, тэрэнһээ дээшэ үхибүүдтэй гэр бүлэнүүдэй гэр байрангаа байдал һайжаруулгада дамжуулагдаха юм.
2017 оной сентябриин 1-нэй мэдээгээр, гэр байрынгаа байдал һайжаруулха ээлжээндэ 235 бүлэнүүд гэжэ тэмдэглэхэ хэрэгтэй.
