586
Гүрэн түрынгөө хүгжэхын тула Буряадай ажаһуугшад эдэбхитэйгээр һунгалтада хабаадана гэжэ Ородой Холбоото Уласай Буряадһаа Гүрэнэй Дүүмын һунгамал Николай Будуев хэлэбэ.
Николай Будуев Улаан-Үдэ хотын 741 дугаар һунгуулиин газарта дуугаа үгэбэ.
- Би үглөөнэй 10 сагта һунгааб. Сэхынь хэлэхэдэ, иимэ олон хүнэй һунгахаа ерээд байхые түрүүшынхиеэ хаража байнаб. Хүн зон хүхюутэй, ёһотойл һайндэр болоно. Тэдэнэр ганса гүрэнэй хүтэлбэрилэгшын түлөө һунгана бэшэ, тиихэдэ болбосон түхэлтэй болгогдохо олониитын газарнууд болон Үдэ, Сэлэнгэ голнуудай эрьеын дизайн-түсэлэй түлөө дуугаа үгэхэ болоно, - гэжэ Николай Будуев хэлэбэ.
Гүрэнэй Дүүмын һунгамалай хэлэһээр, хүнүүд эдэбхитэйгээр 2018 оной футболоор дэлхэйн чемпионат Түбэй стадион дээрэ түлбэригүй хараха үнэмшэлгэтэй болоно.
- Һунгалтын үедэ бюллетень абахын түлөө, һунгалтын урнануудта хүнүүд ээлжээндэ зогсоно. Хүнүүд гүрэн түрын хуби заяатай холбоотой байһанаа ойлгоно. Һунгалтада хабаадалга хадаа эрхэтэн бүхэнэй уялга болоно. Гэр бүлөөрөө һунгалтада хабаадахыень харахада, ехэ урматай хэлэбэ. байна, - гэжэ Гүрэнэй Дүүмын һунгамал хэлэбэ.
