783
Ородой Холбоото Уласай Юрэнхылэгшын һунгалтада хүнүүд харюусалгатайгаар хандана гэжэ Гүрэнэй Дүүмын һунгамал Алдар Дамдинов хэлэбэ.
Мүнөөдэр нэн түрүүн һунгуулиин газарта ерэжэ, һунгалтада хабаадаһан тухайгаа Алдар Дамдинов хэлэбэ.
- Ажаһуугшадай һунгалтада үглөөнһөө эдэбхитэйгээр хабаадахань ехэ баяртайб байна. Тиихэдэ Ородой Холбоото Уласай Юрэнхылэгшын һунгалтатай хамта, болбосон түхэлтэй болгохо олониитын газарнуудай түлөө дуугаа үгэхэ гэһэн шиидхэбэри тон зүб гэжэ тоолоноб. 2018 оной футболоор дэлхэйн чемпионадай сэхэ дамжуулга Түбэй стадиондо түлбэригүйгөөр хараха үнэмшэлгэ барюулагдаа. Һунгалтада ээлжээндэ байһамни, аймшагтай бэшэ. Түрүүн Юрэнхылэгшын түлөө дуугаа үгөөд, удаань Үдэ, Сэлэнгэ голнуудай түсэл болон футболой түлөө “үбдэгшын” үнэмшэлгэтэй абааб, - гэжэ Гүрэнэй Дүүмын һунгамал хэлэбэ.
Ажаһуугшадай эдэбхитэйгээр һунгалтада хабаадалга хадаа хүн зоно тэдэнэй дуунһаа олон юумэн дулдыдана гэжэ ойлгожо, харюусалгатайгаар һунгалтада хабаадаһаниинь шухала гэжэ Алдар Дамдинов тэмдэглэбэ.
