678
Буряад Уласай Толгойлогшо Алексей Цыденов Түнхэн аймагай һомонуудай түлөөлэгшэдтэй уулзалгын үедэ үглөөдэр, апрелиин 20-до, нютагай засагай байгууламжада мүнгэн һангай яаманай комисси ажалаа ябуулжа эхилхэ гэжэ хэлэбэ. Аймагай хүтэлбэрилэгшэ Иван Альхеевтэ «эсэргүүсэһэн» байдалһаа боложо, мүнгэ һомололгын асуудал шиидхэхээр гэжэ һомонуудай хүтэлбэрилэгшэд тэмдэглэбэ.
Тодорхойлбол, байгша оной июнь һара болотор уласай хүдөөгэй наадануудай үнгэргэхэ обьектнүүд бэлэн байха ёһотой.
«Мүнгэн һангай яаман шалгалта үнгэргэжэ, тэрэнэй дүнгүүдээр зохихо шиидхэбэринүүд абтаха», - гэжэ уласай хүтэлбэрилэгшэ хэлэбэ.
Тиихэдэ Алексей Цыденов Буряад Уласай Засагай газарай Түрүүлэгшын орлогшо Вячеслав Цыбикжаповта хүдөөгэй наадануудые үнгэргэлгын асуудал эли болгохо гэһэн даалгабари үгэбэ.
Буряад Уласай Толгойлогшо хоёр тала боложо эсэргүүсэһэн аймагай захиргаанай түлөөлэгшэдтэй дүрбэн уулзалга түсэблэнхэй. Түрүүшын уулзалгада аймагай хүтэлбэрилэгшэ Иван Альхеев, аймагай һунгамалнуудай зүблэлэй түрүүлэгшэ Аламжа Сыренов болон һомонуудай хүтэлбэрилэгшэд хабаадаа гэжэ һануулнабди.
Буряад Уласай Засагай газарай мэдээсэлэй албанай гэрэл зураг
