​Буряад Уласай Арадай Хуралай ээлжээтэ 29-дэхи сесси эхилбэ

Мүнөөдэр, апрелиин 24-дэ, Буряад Уласай Арадай Хуралда ээлжээтэ 29-дэхи сесси ажалаа эхилбэ.

Арадай Хуралай һунгамалнууд сессиин эхиндэ Буряад Уласай Арадай Хуралай 3-дахи зарлалай түрүүлэгшэ(2002-2007), Буряад Уласай Юрэнхылэгшын болон Засагай газарай захиргаанай хүтэлбэрилэгшэ (1997-1998), Улаан-Үдын захиргаанай толгойлогшо (1994-1996) онуудта хүдэлһэн, Алексаеда Лубсановай дурасхаал мүнхэлбэ.

Мүнөөдэрэй сеесидэ һунгамалнууд 48 асуудалаар хэлсэхэ юм, тэрэ тоодо «Буряад Уласай Засагай газарай сагта» улас дотор 2018 оной түймэр һэргылэмжын асуудалаар хэлсэхэ.

Буряад Уласай Арадай Хуралай Гүрэнэй байгуулалтын, нютагай өөһэдын хүтэлбэрии, хуули ёһоной болон гүрэнэй албанай асуудалнуудай талаар хорооной түрүүлэгшын орлогшо Виктор Малышенко Буряад Уласай Үндэһэн хуулиин сүүд болюулха талаар «Буряад Уласай Үндэһэн хуулида хубилалтануудые оруулха тухай» Буряад Уласай хуулиин түлэб тухай» (нэгэдэхи, хоёрдохи уншалга) болон «Буряад Уласай Үндэһэн хуулиин сүүд тарааха тухай» Буряад Уласай хуулиин түлэб тухай» (нэгэдэхи, хоёрдохи уншалга) гэһэн түлэбүүдые сессиин асуудалнуудһаа болюулха тухай дурадхаба.

«2014 ондо Үндэһэн хуулиин сүүдэй ажал һэргээн ябуулха тухай хуули абажа, хэдэн хэмжээ ябуулгануудые үнгэргөөбди. Мүнөө тэрэнэй ажал болюулхамнай», - гэжэ һунгамал хэлэбэ.

Арадай Хуралай КПРФ фракци энэ асуудалаар бүхы арадай референдум үнгэргэхэ тухай дурадхаа, харин һунгалтын дүнгүүдээр тэдэнэй үүсхэл хүн дэмжээгүй.

Буряад Уласай Арадай Хуралай һунгамал Екатерина Цыренова «Буряад Уласай өөһэдын хүтэлбэриин эмхидхэл тухай» Буряад Уласай Хуулиин 22-дохи статьяда хубилалтануудые оруулха тухай» нютагай засагай байгууламжануудай хүтэлбэрилэгшэдые һунгаха шэнэ дүрим тухай хуулиин түсэл сесиин асуудалнуудай бүридэлһөө гаргаха тухай дурадхаа. Һунгалтын дүнгүүдээр, энэнь хубилалтагүй үлэһэн байна.