985
Буряад Уласай Засагай газарай хэблэлэй албанай гэрэл зураг
Байгша оной июниин 22-то, Үбэр Байгалай хасаг сэрэгүүдэй нэгэдэлэй болон Буряад Уласай Засаг газарай хасагуудай хэрэгүүдэй талаар комиссиин хамтын зүблөөн дээрэ “Нэгэн ниитэ нэгэдэл” гээд хасагуудай соёлой уласай 10-дахи фестиваль бэлдэлгэ тухай зүбшэн хэлсэгдэбэ.
Июлиин 27-һоо 29 хүрэтэр Загарай аймагай Ацагат нютагта хэмжээ ябуулга үнгэрхэ. Хасагуудай заншал, ажабайдал, соёл һэргээхэ, шудалха зорилготойгоор фестиваль ябуулагдана. Хэмжээ ябуулгада нютагай засагай хасагуудай 22 нэгэдэлнүүд хабаадаха. Фестивалиин программа спортивна мүрысөөнүүдһээ, мастер-классуудһаа, мори урилдаанһаа, хасагуудай уран бэлигэй тэмсээнһээ бүридэнэ. “Энэ фестиваль гайхамшагта гоё. Түрүүшээр, уласай ажаһуугшадта ба айлшадта хасагуудай заншалтай танилсахада һонин байха. Хари гүрэнэй аяншадта тон һонирхолтой байха гээд һанагдана. Улас дотор фестиваль эгээл гайхамшагта хэмжээ ябуулгануудай нэгэн болохо, - гээд Буряад Уласай Засагай газарай юрэнхы сайд – Буряад Уласай Засагай газарай ба Буряад Уласай толгойлогшын захиргаанай хүтэлбэрилэгшэ Баир Цыренов тэмдэглэбэ.
«Нэгэн ниитэ нэгэдэл» хэмжээ ябуулга Буряад Уласай Арадай Хурал, Буряад Уласай Засагай газарай ба Буряад Уласай толгойлогшын захиргаан, Үбэр Байгалай хасаг сэрэгүүдэй нэгэдэл, «Загарай аймаг» гэһэн һомоной нютагай засагай байгууламжа эмхидхэнэ.
Хэмжээ ябуулгада хабаадалгын мэдүүлгэеэ июлиин 21 хүрэтэр Загарай аймагай соёлой захиргаан руу kulturazaigraevo@mail.ru гээд электронно хаягаар эльгээжэ болоно. Али һаа: 671310, Буряад Улас, Загарай аймаг, Загарай нютаг, Октябрьская,гэр 4 гудамжа. Хонходохо утаһанууд: 8 (30136) 4-14-79, 8 (30136) 4-25-54, 8 (30136) 4-81-40. Мастер-классуудай тэмсээндэ хабаадаха мэдүүлгэеэ июлиин 15 хүрэтэр Sherbak@govrb.ru. хаяг руу эльгээхэ хэрэгтэй.
