1323
Буряад Уласай ниигэмэй хамгаалгын яаманай хэблэлэй албанай гэрэл зураг
Табан жэлэй хамтын ажалай дүнгүүдээр 300 хүн хоёр гүрэнэй ниигэмэй эмхинүүдтэ амарба. Буряад Уласай наһатай эрхэтэд Монголой онсо ушаралта генеральна захиргаанай мэдэлэй “Онцгой Жаргалант» санаторидо амараа.
Мүн, монголой наһажаал зон Буряад Уласта амарһан байна. Монголой ниигэмэй туһаламжын ба хангалгын агентствэ болон Буряад Уласай ниигэмэй хамгаалгын яаман хоёрой хоорондохи хамта ажаллаха хэлсээнэй ёһоор иимэ андалдаан хэгдэжэ эхилээ.
Һүүлшын 5 жэлдэ Буряад уласай 200 наһатай зон монголой аргын эмхи зургаануудта бэеэ аргалаа. Мүн тиихэдэнь, уласай ниигэмэй эмхи зургаануудта 160 хүн амарба. Үнгэрһэн жэлэй туршада хоёр гүрэнэй 78 хүн иимэ андалдаанай туһаламжаар бэеэ аргалба. Саашадаа хоёр тала эрэмдэг зондо, үншэн хүүгэдтэ ниигэмэй туһаламжа үзүүлһэн ажал ябуулха.
