1082
Буряад Уласай Засагай газарай Түрүүлэгшын нэгэдэхи орлогшо Игорь Шутенков албанай хэрэгээр Гусиноозёрск хото гараба. Гусиноозёрск хотын Рабочая гудамжын ажаһуугшад Ородой Холбоото Уласай Юрэнхылэгшын хүлеэн абаха таһагта дулаасуулгын һужаа бариха тухай хандаһан байна. Энэ хандалга хэр бэелүүлэгдэнэб гэжэ шалгалта үнгэргэжэ, Игорь Шутенков ажалаа ябуулба. Тиихэдэ федеральна программануудай хэмжээндэ бэелүүлэгдэжэ байһан хангалгын байгууламжын түсэлнүүдтэй тэрэ танилсаба.
Гусиноозёрск хотын Рабочая гуджамжын ажаһуугшадай үүсхэлээр, дулаагаар хангаха һужаа баригдана.
«Үнгэрһэн жэлдэ ажаһуугшад Ородой Холбоото Уласай Юрэнхылэгшын хүлеэн абаха таһагта хандаһан байна. Жэлэй үнгэрөөгүй байхада, дулаагаар хангалгын ажал дүүрэхэ тээшээ болоно. Дулаанай түлөө түлбэриин түлөө, һужаада алдагдаһан дулаанай талаар асуудалнууд бии. Тиигэбэшье тэдэниие шиидхэхээр», - гэжэ Игорь Шутенков хэлэбэ.
Буряад Уласай Засагай газарай Түрүүлэгшын орлогшо хэгдэжэ байһан ажал шалгажа, ажаһуугшадтай уулзаба. Барилгын ажал хизаарламал харюусалгатай «Буряттрансервис» бүлгэм ябуулна. Дулаагаар хангалгын һужаануудые барилгада уласай бюджетһээ 1 сая 739 мянган түхэриг һомлологдоо.
Тиихэдэ Гусиноозёрск хотын ажаһуугшадай хандалгаар, «Болбосон түхэлтэй хотын оршон байгуулга» гэһэн түсэлөөр Барилгашадай аллей заһабарилагдана. Эндэ заһабарилга хэхэ гэжэ ажаһуугшад өөһэдөө шэлэһэн байна. Гусиноозёрск хотодо Улаан-Үдэ – Улаан-Баатар хотонуудай хоорондо ябадаг уласхоорондын автобусууд тогтодог. Захаамин-Зэдэ-Хяагта шэглэлэй автовокзал болон 80-һаа дээшэ худалдаанай болон туһаламжа үзүүлэлгын эмхинүүд бии. Тиимэһээ худалдаа, наймаанай-ажал хэрэгэй түб болоһон газарта һэльбэн шэнэдхэлгын ажалай түрүүшын шата болобо. Барилгашадай аллейн заһабарилгада уласай бюджетһээ 6 саяһаа дээшэ мүнгэн һомологдоо. Мүнөө эндэ хэгдэхэ ажалай 60 хубинь дүүрээд байна.
Монохотонуудые хүгжөөхэ гэһэн түсэл бэелүүлгын хэмжээндэ Желзнодорожныя гудамжада заһабарилгын ажал эхилэнхэй. Энэ түсэлэй ёһоор, хотын түб лэ гудамжанууд заһабарилагдаха юм. Железнодорожныя гудамжа түб бэшэшье һаа, Гусинооозёрск хотын шухала гудамжануудай нэгэн болоно, тиимэһээ эндэ барилга эхилэнхэй. Энэ ажалда уласай болон нютагай засагай байгууламжын бюджедүүдһээ 85 сая түхэриг һомологдоо.
«Хинадаг албануудай болон олониитын хиналта доро заһабарилгын ажалнууд хэгдэнэ. Аймагай хүтэлбэриин болон ажаһуугшадай оролдолгоор хото хубилна», - гэжэ Буряад Уласай Засагай газарай Түрүүлэгшын орлогшо Игорь Шутенков хэлэбэ.
Гусиноозёрск хотодо «Буряад Уласта теплицануудай комплекс барилга» гэһэн бэелүүлэгдэжэ байһан түсэлтэй Игорь Шутенков танилсаба. Түхэреэн жэлэй туршада огородой эдеэ ургуулха түсэлдэ 3,78 миллиард мүнгэн һомологдоно.
«Энэ түсэлэй ашаглалгада тушаагдахада, ажалай 340 һуури гараха. Гусиноозёрск хотын ажаһуугшад ажалда орохо аргатай. Улас дотор томо түсэлэй бэелүүлгэдэ мүнгэ һомологшодые эдэбхитэй хабаадуулха хэрэгтэй», - гэжэ Игорь Шутенков тэмдэглэбэ.
Буряад Уласай хүдөө ажахы хүгжөөлгын шэглэлнүүдтэ энэ түсэл таарана, улас дотор болон хүршэ можо нютагуудта огородой эдеэ хангаха зорилготой.
Анна Огороднигой гэрэл зурагууд
