683
Эртын алдартанай түлөөлэгшэд түүхэтэ нютагаа бусаха гэжэ Ородой Холбоото Уласай можо нютагуудаар танилсана. Тиихэдэ нютагаахидай һайн дураараа нүүлгэ гэһэн гүрэнэй программаар ажал ябуулагдана. Хари гүрэнүүдэй эртын үнэн алдартанай түлөөлэгшэд Буряад Уласта сентябриин 23-25-най үдэрнүүдтэ ябаба.
- Буряад уласай ажабайдал танай байрлаһан газарнуудһаа илгаатай, эндэ өөрын һайншье таланууд, дутуу дундануудшье бии. Ородой Холбоото Уласай бусад можонуудһаа гол шухала илгаань хадаа эртын үнэн алдартанай соёл, урлаг Буряадта сахигдана. Минии һанахада, Ород гүрэн дотор Буряад Уласта эртын үнэн алдартанай эгээл томо нэгэдэлнүүдэй нэгэн бии, - гэжэ уласай хүтэлбэрилэгшэ айлшадтай уулзалгын үедэ хэлэбэ.
Буряад Уласай Кабанск аймагай Посольск нютаг холын айлшад түрүүшын үдэр хүрэбэ. Эндэ протопоп Аввакумда һүгэдэлгын хэрээһэн тохогдонхой.
- Аймаг яһала хүгжэнги. Һайн технологи хэрэглэжэ, хүнүүд хүдөө ажахыда ажалаа ябуулха аргатай, - гэжэ эртын алдартанай түлөөлэгшэ Авраам Калугин тэмдэглэбэ.
Энэ уулзалгада Буряад Уласай Засагай газарай Түрүүлэгшын хүдөө ажахы хүгжөөлгын талаар орлогшо – Буряад Уласай хүдөө ажахын болон эдеэ хоолой сайд Даба-Жалсан Чирипов хабаадалсаа. Хүдөө ажахын сайд Буряад уласта хүдөө ажахы эрхилэгшэдые дэмжэхэ программанууд тухай хөөрэбэ. Тиихэдэ эртын үнэн алдартанай түлөөлэгшэд Буряад Уласай яамануудай, эмхи зургаануудай хүтэлбэрилэгшэдтэй уулзаһан байна. Буряадай дэбисхэртэ зөөжэ ерэгшэдтэ газар үгэхэ, хүдөө ажахы эрхилэгшэдые дэмжэхэ асуудалнуудаар хэлсэһэн байха юм.
Буряад Уласай Засагай газарай хэблэлэй албанай гэрэл зураг
