964
Буряад Уласай Арадай Хуралай VI-дахи зарлалай һунгамалнууд ээлжээтэ 4-дэхи сесси мүнөөдэр, февралиин 28-да, үнгэргэнэ. Сессидэ 54 асуудалаар зүбшэн хэлсэхэ юм. Тэрэ тоодо, 2019 болон түсэблэлгын 2020, 2021 онуудта Буряад уласай бюджет тухай хуулида хубилалтануудые оруулха, 2035 он болотор уласай Ниигэмэй-эдэй засагай хүгжэлтын стратеги баталагдаха. Һунгамалнууд «дайнай үеын үхибүүдтэ» түлэгдэдэг тэдхэмжэ дээшэлүүлхэ талаар асуудал түрүүшын уншалгада хэлсэхэ.
Тиихэдэ «засагай газарай часай» хэмжээндэ Буряад уласай дэбисхэрэй экологическа байдал болон тэрэниие һайжаруулга тухай байгаалиин нөөсэнүүдэй сайд Вадим Кантор мэдээсэхэ гээд дуулганабди.
Анна Огороднигой гэрэл зураг
