717
Буряад Уласай Арадай Хуралда ээлжээтэ бэшэ сесси мүнөөдэр, мартын 7-до үнгэргэгдэхэ. Энээн тухай тогтоол уласай парламентын түрүүлэгшэ Владимир Павлов абаһан байна.
Ээлжээтэ бэшэ сессидэ «Гүрэнэй ниигэмэй туһаламжа тухай» 12-1 гэһэн федеральна хуулида хубилалта оруулха тухай» 657895-7 дугаар федеральна хуулиин түсэл бусааха» гэһэн Арадай Хуралай тогтоолой нэгэл түсэлөөр зүбшэн хэлсэхэ. Эндэ наһанайнгаа амаралтада гараһан, ажал хэдэггүй хүнүүдтэ ниигэмэй тэдхэмжын хэмжээн байгуулха тухай хэлэгдэнэ.
Ородой Холбоото Уласай Юрэнхылэгшэ В. В. Путинай Федеральна Суглаанда захил-хандалгада хэлэгдэһэн даалгабаринуудые бэелүүлхэ зорилготой хуулиин энэ түсэл бэелүүлэгдэнэ. Гүрэнэй ажаябуулгада үгытэй байдал усадхаха асуудал түрүүлэн бэелүүлэгдэхэ шэглэлэй нэгэн болоно.
Ородой Холбоото Уласта наһанайнгаа амаралтада гараһан хүнүүдтэ ажамидаралай доодо хэмжээн болотор ниигэмэй тэдхэмжэ үзүүлэгдэхэ. Хуулиин ёһоор, 2019 оной январиин 1-һээ нэмэлтэ мүнгэн түлэгдэхэ ёһотой. Федеральна хуулиин абтабал, тэрэниие бэелүүлгэдэ 2019 ондо нэмэлтэ 18,8 миллиард, 2020 ондо – 20 миллиард, 2021 ондо 19,6 миллиард түхэриг хэрэгтэй.
Анна Огороднигой гэрэл зураг
