1051
Ородой Холбоото Уласай хүдөө ажахын сайдай орлогшо - Загаһа бариха талаар федеральна агентствын хүтэлбэрилэгшэ Илья Шестаков мүнөөдэр, мартын 29-дэ, албанай хэрэгээр Буряад Улас ерэбэ.
Байгал далайда олмоли загаһанай тоо дээшэлүүлхэ талаар суглаа федеральна сайд үнгэргэхэ юм. Загаһанай тоо ехэнхидээ Буряад уласай загаһа үйлэдбэриин заводуудһаа дулдыдана. Тэдэ үйлэлэдбэринүүдые һэльбэн шэнэдхэхэ хэрэгтэй. Ородой Холбоото Уласай Юрэнхылэгшэ Владимир Путинай майн тогтоолнуудые бэелүүлжэ, «Экология» гэһэн үндэһэтэнэй түсэлэй, «Байгал далай сахин хамгаалга» гэһэн федеральна түсэлэй хэмжээндэ Большереченскэ болон Сэлэнгын загаһа үйлэдбэилгын заводуудай һэльбэн шэнэдхэлгэдэ мүнгэн һомологдохо юм. Тиихэдэ суглаанда омоли олзоборилхо хорюулай абтаһанай удаа загаһа үйлэдбэриин хүдэлмэрилэгшэдые ажалаар хангаха гэһэн болон бусад асуудалнуудаар суглаанда хэлсэхэ юм.
Тиихэдэ Илья Шестаков «Байкальская рыбалка – 2019» гэһэн XV хэмжээ ябуулгын хүндэтэ айлшан юм Буряад Уласай Засагай газарай дэмжэлгээр эмхидхэхэ хэмжээ ябуулга Буряад Уласай Кабанск аймагай Оймур һууринда мүнөөдэр эхилхэ. Загаһа бариха мүрысөөндэ Ородой Холбоото Уласай можо нютагуудай, Монгол, Хитад, Солонгос, Итали, Казахстанай мянганһаа дээшэ хабаадагшад, 300 команда хаба шадалаа туршаха.
