1050
Апрелиин 24-25-най үдэрнүүдтэ уласай хүтэлбэрилэгшэ албанай хэрэгээр Баргажан, Хурамхаан аймагуудта гаража, ниигэмэй һалбариин эмхинүүдтэ хүрэжэ, ажаһуугшадтай уулзаха юм.Алексей Цыденовтэй хамта Буряад Уласай яамануудай болон засаг зургаанай хүтэлбэрилэгшэдябалсана.
Мүнөөдэр, апрелиин 24-дэ, Алексей Цыденов Баргажан аймагай Усть-Баргузин һууринда бага котельниин байдал шалгажа, шэнгэн түлишээр хүдэлдэг зайн галай станци, «Подлеморье» гэһэн хүүгэдэй нэмэлтэ һуралсалай түбтэ хүрэжэ, заһабрилгын ажал шалгаха юм. Тиихэдэ Алексей Цыденов «Гагаринцы», «Хуторок» гэһэн ТОС-уудай хүсөөр заһабарилһан Уро нютагай соёлой байшан, Баянголой амбулатори, дунда һургуули, «Ярикто» бүлгэм, модо бэлдэгшэд болон ажаһуугшадатай уулзаха түсэбтэй.
Апрелиин 25-да Алексей Цыденов Хурамхаан аймаг гаража, хүдөө ажахын «Светоч», мяханай эдеэ хоол буйлуулдаг «Кедр» эмхинүүдтэ, Алла нютагай аюултай болоһон котельни хүрэхэ. Удаань Буряадай Толгойлогшо «Улюнхан» ТОС-ой хүсөөр баригдаһан Дээдэ-Баргажанай дасан хаража, Улюнхаанда заһабарилагдаһан соёлой байшанда хүрэхэ юм.
Амаралган «Кучигер» баазада аймаг дотор эмнэлгэ-элүүржүүлгын аяншалга хүгжөөлгын ажалтай танилсалга үнгэргэгдэхэ. Удаань Алексей Цыденов Хурамхаан нютагта заһабарилга хэгдэһэн «Родничок» гэһэн хүүгэдэй сэсэрлиг хараха түсэбтэй. Залгалаа байшан бариха хэрэгтэй болоһон аймагай хүүгэдэй уралигай һургуули, аймагай нэмэлтэ һуралсалай түб хүрэхэ. Тиихэдэ Алексей Цыденов хүдөө ажахын эмхинүүдэй хүтэлбэрилэгшэд, олзын хэрэг эрхилэгшэд болон аймагай ажаһуугшадтай уулзаха юм.
Анна Огороднигой гэрэл зураг
