​​Буряад Уласай Толгойлогшо албанай хэрэгээр – Зэдэ, Захаамин аймагуудта

Мүнөөдэр, апрелиин 29-дэ, Буряад Уласай Толгойлогшо Алексей Цыденов Зэдэ аймагта ажалаа ябуулха. Уласай хүтэлбэрилэгшэ Боргой һууринай Нютаг газарта оршодог хүдөө ажахы, Зэдэ һууринай сэрэгэй тосхон хүрэхэ, Зэдэ голой эрье бүхэлэлгэ, Белоозерск-Енхор харгыда аюултай болоһон хүүргэ хараха юм. «Надежда» гэһэн үйлэдбэриин, Петропавловкын мяханай комбинадай, «Возрождение» гэһэн ТОС-ой ажалтайнь танилсаха. Удаань Буряад Уласай Толгойлогшо Алексей Цыденов Зэдын, Цагаатай һургуулинуудта, «Малыш» гэһэн хүүгэдэй сэсэрлигтэ, Доодо Үшөөтэйн соёлой байшан, Петропавловкын аймагай больница хүрэхэ юм. Тиихэдэ уласай хүтэлбэрилэгшэ хүдөө ажахын асуудалнуудаар зүблөө үнгэргэжэ, ажаһуугшадтайнь уулзаха түсэбтэй.

Апрелиин 30-да Алексей Цыденов Захаамин аймагта ажалаа үргэлжэлүүлхэ юм. Инкур гол жэл бүри эрьеһээ гаража, дүтэ оршодог гэрнүүд уһанда абтадаг. Тиигэжэ уласай хүтэлбэрилэгшэ ажалаа эндэһээ эхилхэ. Удаань шахтын ажалда заһабарилгын тоног хэрэгсэлнүүдые үйлэдбэрилдэг «Литейщик» бүлгэм, спортын «Тамир» комплекс, Санагын дасан болон бусад объектнүүдтэ хүрэхэ түсэбтэй. Тиихэдэ Закаменск хотодо котельни бариха асуудалаар зүблөөн үнгэргэгдэхэ гэжэ түсэблэгдэнхэй. 2015 ондо «Мал үсхэбэрилгын фермэнүүдые хүгжөөлгэ» гэһэн программаар 7,4 сая түхэригэй грант шүүһэн Цыбиковтнай фермэдэ болон ниигэмэй объектнүүдтэ хүрэхэ. Удаань уласай хүтэлбэрилэгшэ фермернүүд болон һжаһуугшадтай заншалта ёһоор уулзаха.

.Анна Огороднигой гэрэл зураг