​​ЭРДЭМТЭНИИЕ АМАРШАЛАА

Владимир Павлов багшадаа бэлэг барина

Буряадай гүрэнэй хүдөө ажахын академиин баг­ша, техническэ эрдэмэй доктор Юрий Сергеев эдэ үдэрнүүдтэ 80 наһанайнгаа ойн баярые угтажа байна. Энэ ушараар уласхоорондын эрдэмэй-практиче­ска хуралдаан үнгэрһэн долоон хоногой эсэстэ боложо түгэсэбэ.

Буряад Уласай Арадай Хуралай һунгамалнууд Вла­димир Павлов, Пётр Носков, Буряад Уласай Засагай га­зарай Түрүүлэгшын орлог­шо Пётр Мордовской, хүдөө ажахын болон эдеэ хоолой сайдай орлогшо Далай Гал­санов гэгшэд тус һуралсалай гуламта дүүргэһэн юм. Тэдэ багшаяа һайхан үгэнүүдээр амаршалһан байна.

- Юрий Антонович нам­да багшалһан. Тиихэдэ тэрэ хэды залуушье һаа, оюутадта элбэг баян мэдэсэ үгэдэг һэн. Мүнөөшье болотор багшын­гаа хэшээлнүүдые мартангүй ябадагби, - гэжэ Владимир Павлов амаршалгын үгэнүүд соогоо тэмдэглээ.

Арадай Хуралай һунгамал Пётр Носковой хэлэһээр, Юрий Антонович оюутадтай хамта өөрөө ургажа байгаа.

- Манай багша ходо эр­дэм мэдэсэеэ дээшэлүүлжэ, бүхы шабинартаяа хубаал­дадаг һэн. Мүнөөшье боло­тор эрдэм шэнжэлгэдэ шур­ган орожо, залуу халааниие һурган ябана. Гэхэтэй хамта, багшаһаань нэгэшье шэрүүн үгэ дуулаагүйбди. Юрий Ан­тонович хододоо бүхы оюу­тадые дэмжэн һургадаг, баян дүй дүршэлөө, эрдэм мэдэ­сэеэ дамжуулдаг юм, - гэжэ Пётр Носков хэлээ.

Юрий Антонович ган­са Буряадтаа бэшэ, бүхы Ород гүрэн соогоо мэдээ­жэ эрдэмтэн юм. Тэрэнэй шэнжэлгэнүүд хүдөө ажа­хыда үргэнөөр хэрэглэгдэ­нэ.

Арадай Хуралай мэдээсэлэй албанай гэрэл зураг