936
Байгша оной түрүүшын хахадта Буряад Уласай Арадай Хурал гурбан ээлжээтэ болон хоёр ээлжээтэ бэшэ сесси үнгэргэжэ, 67 хуули абаһан байна.
Хуулинуудай 32-ыень һунгамалнууд оруулаа. Буряад Уласай Толгойлогшо – 12, Засагай газар -18, прокуратура – 4, нютагай өөһэдын хүтэлбэринүүдэй эмхи нэгэ хуули оруулһан байна.
Тиихэдэ абтаһан хуулинуудай 21-ыень Буряад Уласай Арадай Хуралай Ниигэмэй бодолгын талаар хороон бэлдээ.
Буряад Уласай Арадай Хуралай Гүрэнэй байгуулалтын, нютагай өөһэдын хүтэлбэрии, хуули ёһоной болон гүрэнэй албанай асуудалнуудай талаар хороондо хуулиин 13 түсэл бэлдэгдээ.
Буряад Уласай Арадай Хуралай Эдэй засагай бодолгын,байгаалиин нөөсэнүүдые ашаглалгын болон оршон тойронхиие хамгаалгын талаар хороон 11 хуули бэлдэһэн байна.
Буряад Уласай Арадай Хуралай Бюджедэй, налогуудай болон сан жасын талаар болон Буряад Уласай Арадай Хуралай Газарай асуудалнуудай, аграрна бодолгын болон эд хэрэглэлгын дэлгүүрэй талаар хороонуудта 9-9 хуулинууд бэлдэгдээ.
Тиихэдэ Буряад Уласай Арадай Хуралай Можонууд хоорондын холбоонуудай, үндэһэ яһатанай асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хороон 4 хуули бэлдээ.
Анна Огороднигой гэрэл зураг
