935
Буряад Уласай Засагай газарай Түрүүлэгшын орлогшо – Буряад Уласай Толгойлогшын болон Засагай газарай захиргаанай хүтэлбэрилэгшэ Баир Цыренов албанай хэрэгээр Аха аймаг гараһан байна.
“Алас Дурнын тэдхэмжын” хэмжээндэ баригдажа байһан “Улыбка” хүүгэдэй сэсэрлиг болон Сорог һууринай соёлой байшанда Баир Цыренов хүрэһэн байна. Тэдэнэй барилгада 23 сая түхэриг һомологдоо.
Аха аймагай засаг дарга Матвей Мадасовтай хамта Аха аймагай засаг дарга Матвей Мадасовтай хамта сайд Сорог һууринай Тустук голой бага горхон дээгүүр гараһан хүүргын заһабарилга шалгаһан байна. Тэрэнэй заһабарилгада Буряад Уласай Засагай газарай онсо байдал усадхаха нөөсын жасаһаа мүнгэн һомологдоо гээд тэмэглэлтэй.
Энэ зунай уһанай гэнтэ нэмэхэдэ, тус хүүргэдэ дүтэлхэ харгы, горхоной эрье угаагдажа, голой һудал ехэ болоо һэн гэжэ һануулха хэрэгтэй.
Заһабарилгын ажалнуудта 4 гаран сая түхэриг һомологдожо, хүүргэ баригдана.
Ородой Холбоото Уласай Алас Дурнын федеральна тойрогой эдэй засагай хүгжэлтын түбүүдэй ниигэмэй хүгжэлтын түсэбүүдые бэелүүлгын хэмжээндэ болон Алексей Цыденовэй албанай хэрэгээр аймагуудаар ябахадаа, даалгабаринуудаар аймагай захиргаанда сомонуудай засаг дарганартай суглаа үнгэргэһэн байна. Суглаанай үедэ зарим тэды асуудалнуудые түргэн шиидхэхэ талаар зохихо даабаринууд үгтөө.
