331
Гүрэнэй дүүмын һунгамалнууд мартын 10-да пленарна суглаанда Ородой Холбоото Уласай Юрэнхылэгшэ Владимир Путинай үүсхэһэн гүрэнэй Үндэһэн хуулида хубилалтануудые оруулха тухай хуулиин түсэл хоёрдохи уншалгада абаба.
Хуулиин түсэлдэ 391 хубилалта бэлдэгдэжэ, хахадынь шахуу һүүлэй дансада оруулагдаа. Бүхыдөө Үндэһэн хуулида мянганһаа дээшэ хубилалтанууд оруулагдаа гэжэ Гүрэнэй дүүмын сайтда хэлэгдэнэ. Хубилалтануудые хэлсэхэ хэмжээ ябуулгада Ородой Холбоото Уласай Юрэнхылэгшэ Владимир Путин хабаадалсаа.
Гүрэнэй дүүмын Түрүүлэгшэ Вячеслав Володиной тэмдэглэһэнэй ёһоор, «мүнөө болотор Үндэһэн хуулимнай олон асуудалаар һанал хүсэлэй деклараци байгаа. Тиимэһээ гүрэнэй Юрэнхылэгшын оруулһан хубилалтануудые, гүрэнэй ниигэмэй уялга тухай нормо тухай дурадхалыень сэхэ хүдэлмэриин нормо болгохо. Эндэ салингай доодо хэмжээн ажамидаралай хэмжээнһээ доро байха ёһогүй. Жэл бүри пенсиин индексаци үнгэргэхэ. Эдэ бүгэдэ нормонуудые тайлбарилна».
Парламентын доодо танхимда удха шанартай хоёр дурадхал оруулагдаа. Түрүүшын дурадхал Александр Карелин оруулаа, тэрэ Үндэһэн хуулин хубилалтануудай ашаар Гүрэнэй дүүмэдэ сагһаа урид һунгалта үнгэргэхэ тухай дурадхаа. Хоёрдохи дурадхал - юрэнхылэгшын хэды дахин тушаал эзэлһэн болзор тоолохо хизаарлалта абаха тухай асуудал хаража үзэхэ тухай асуудал Валентина Терешкова дурадхаа.
Мартын 11-дэ пленарна суглаанда Үндэһэн хуулида хубилалтанууд тухай хуулиин түсэлөөр хэлсэхэ гэжэ түсэблэгдөө, удаань тэрэнь Федерациин Зүблэлдэ эльгээгдэхэ.
2020 оной эхиндэ Федеральна Суглаанда жэл бүриин захил-хандалгадаа Владимир Путин Үндэһэн хуулида хубилалтануудые оруулха тухай дурадхал оруулаа гэжэ һануулнабди. Январиин һүүл багта Юрэнхылэгшэ Үндэһэн хуулида хубилалтануудые оруулха тухай хуулиин түсэл Гүрэнэй Дүүмэдэ оруулаа. Оруулһан дурадхалнууд хүнэй болон эрхэтэнэй эрхэ, сүлөө, гүрэнэй байгуулалтын үндэһэ бэхижүүлхэ талаар хэмжээнүүдые хүгжөөлгэдэ шэглүүлэгдэнхэй. Доодо танхим энэ данса түрүүшын уншалгада дэмжэһэн байна. Эдэ асуудалнуудаар хүдэлхэ гэжэ ажалай бүлэг байгуулагдажа, тэдэнэр 900-гаад дурадхал абаһан байна. Юрэнхылэгшэ һунгуулиин комиссида һунгалта эмхидхэхэ талаар бэлдэхыень даалгаба. Гүрэнэй Дүүмэдэ апрелиин 22-то һунгалта үнгэргэхэ гэһэн дурадхал дэмжэгдэжэ, энэ үдэр амаралтын үдэр гэжэ соносхогдохо.
