1141
Буряад Уласай Толгойлогшо Алексей Цыденов Буряад Уласай Үйлэдбэриин болон худалдаа найманай сайдай орлогшын тушаалһаа Екатерина Кочетовае сүлөөлжэ, 2019 оной декабриин 17-һоо эдэй засагай сайдай уялга дүүргэгшын тушаалда Екатерина Кочетовае томилхо тухай тогтоол абаба.
Тобшо мэдээн
Кочетова Екатерина Николаевна 1979 оной майн 6-да Свердловско можын Ирбит хотодо түрэһэн намтартай. 2001 ондо тэрэ Зүүн Сибириин гүрэнэй технологическа ехэ һургуули «Экономист-менеджер» гэһэн мэргэжэлээр дүүргээ.
2001 оной июль һараһаа 2004 оной июнь болотор Екатерин Кочетова Ородой Холбоото Уласай Баталан хамгаалгын яаманда эдеэ хоол худалдаха компанида ахамад бухгалтераар хүдэлөө. 2007 ондо Улаан-Үдэ хотын захиргаанда зүбшэлэгшын тушаалда ажаллаа. 2013 оной апрель һарада эдэй засагай хүгжэлтын хорооной мүнгэ хүрэнгэ оруулалгын болон стратегическэ түсэлнүүдэй таһагай даргаар томилогдоо. 2014 оной февраль һарада болбосоролой хорооной эдэй засагай болон мүнгэн һангай хүтэлбэриин даргын тушаал эзэлээ. 2018 оной февраль һараһаа 2019 оной декабрь болотор Буряад Уласай үйлэдбэриин болон худалдаа наймаанай сайдай орлогшо- олзын хэрэг эрхилэлгэ хүгжөөлгын хорооной түрүүлэгшын тушаалда хүдэлөө.
Буряад Уласай Засагай газарай мэдээсэлэй албанай гэрэл зураг
