1143
Үбэр Байгалай хизаарай Засагай газарай Түрүүлэгшын орологшын – Агын Буряадай тойрогой хүтэлбэрилэгшын уялга дүүргэгшээр Буянто Батомункуев томилогдоо. Энээн тухай декабриин 9-дэ үнгэргэгдэһэн суглаанда Үбэр Байгалай хизаарай амбан захирагша Александр Осипов суглаанда дуулгаба.
Буянто Батомункуев 1983 оной октябриин 19-дэ Ага аймагай Урда-Ага нютагта түрэһэн. 2005 ондо тэрэ Томскын ехэ һургуули «Экономика и управление на предприятиях машиностроения» гэһэн мэргэжэлээр дүүргэһэн намтартай. Дээдэ һургуули дүүргэһэнэй удаа залуу хүбүүн Агын Буряадай автономно тойрогой гүрэнэй зөөри хүтэлбэрилхэ хорооной хүтэлэгшэ мэргэжэлтэнээр хүдэлөө. Удаань 2005 оной ноябрьһаа 2008 оной сентябрь болотор Агын Буряадай тойрогой гүрэнэй зөөриин департаментын хүтэлэгшэ мэргэжэлтын тушаалда ябаа.
2008 ондо Буянто Батомункуев Үбэр Байгалай хизаарай Агын Буряадай тойрогой департаментын таһагай даргын тушаалда томилогдоо. 2010 ондо тэрэ департаментын таһагай зүбшэлэгшын тушаал эзэлээ.
2011 оной август һарада Буянто Батомункуев Агын Буряадай тойрогой захиргаанай стратегическэ түсэблэлгын хүтэлбэриин таһагай даргаар томилогдоо. 2013 ондо Агын Буряадай тойрогой захирганай стратегическэ түсэблэлгын даргаар томилогдоһон юм.
2015 онһоо хойшо Буянто Батомункуев Агын Буряадай тойрогой захиргаанай хүтэлбэрилэгшын нэгэдэхи орлогшо, 2016 онһоо тойрогой агропромышленна комплексын болон газар дэбисхэр хүгжөөлгын хүтэлбэрилэгшын орлогшоор хүдэлөө.
2018 оной сентябрьһаа Ага һууринай захиргаан хүтэлбэрилөө.
Үбэр Байгалай хизаарай Засагай газарай мэдээсэлэй албанай сайтһаа гэрэл зураг абтаба
