1239
Буряадтаа мэдээжэ дуушан, олзын хэрэг эрхилэгшэ Ринчин Дашицыренов өөрынгөө Subaru Legacy B4 түхэлэй авто-хүлэгөө тэрэнэй Инстаграм хуудаһанда хамаарһан зоной нэгэндэнь барюулхаб гэжэ соносхол гаргаа бэлэй. Авто-хүлэг шүүхэ һанаатай 20 мянган хүн аза талаангаа туршалсаа.
Эдэ олон зоной дундаһаа Улаан-Үдэдэ ажаһуудаг Мария гэжэ нэрэтэй басаган шүүгээ.
- Бэлэг абахаяа ерэхэдээ, энэ басаган баярлаһан ямаршье хэбэргүй байгаа. Иимэ үнэтэй бэлэгтэ хүртэжэ байгаад, яагаад баярладаггүй юм, - гээд дуушан голхорно.
Интернет сүлжээндэ хүн зон хоёр анги боложо хубаараа. Нэгэ зариман шүүмжэлнэ, харин нүгөө талань басагые дэмжэнэ.
- Би наһандаа юумэ шүүжэ үзөөгүйб. Авто-хүлэг шүүгээб гэжэ дуулахадаа, юушье ойлгохоёо болёод байгааб. Энэ урилдаа үүсхэгшэдтэ тон ехэ баяртай байһанаа мэдүүлнэб. Олоной урда сэдьхэлэйнгээ байдал харуулжа шададаггүй хадаа яахабши даа, - гэжэ Мария басаган дуулгана.
Авто-хүлэг шүүһэн Мария бэлэгээ худалдаанда табиба гэжэ байжа Интернет сүлжээндэ зон бэшэлсэнэ. Худалдаха болихоёо эдэнэр үшөө хөөрэлдөө бэшэ, һаядаа мэдэгдэнэ аабза.
yandex.ru сайтһаа гэрэл зураг
ЭНЭ СЭДЭБЭЭР УНШАГТЫ:
Автор: Булат БАДМАЕВ
