767
Ородой Холбоото Уласай Юрэнхылэгшын Сибириин федеральна тойрогто Бүрин эрхэтэ түлөөлэгшэ албанай хэрэгээр Улаан-Үдэдэ байһанаа, яаралтайгаар Үбэр-Байгалай хизаарай Тунгокочен аймаг гараба гэжэ Сибириин тойрогой мэдээсэлэй түб дуулгана.
Һалхитай уларилай тогтоһонһоо боложо, самолёдоор ниидэн ошохо аргагүй байһандаа, үндэр тушаалтан машинаар хүршэ можо гараба. Майн 18-да Юго-Западная гэһэн хизаарламал харюусалгатай бүлгэмэй “Дарасунский рудник” гэһэн шахтын 81 хүдэлмэрилэгшэд газар дороһоо гарахаяа арсаһан байна. Уридшалһан мэдээгээр, тэдэнэртэ 2017 оной апрель һарын салин түлэгдөөгүй юм. Үшөө тиихэдэ, апрель һарын салин бүридхэлгые дахин тоолохо гэжэ хүдэлмэрилэгшэд эрилтэ табина.
Бүрин эрхэтэ түлөөлэгшын даабаряар Үбэр-Байгалай хизаарай прокурор Василий Войкин Тунгокочен аймаг гараба.
Сергей Меняйло Буряад Улас үсэгэлдэр ерэжэ, 3 үдэрэй туршада ажалаа үргэлжэлүүлхэ түсэбтэй байгаа.
Анна Огороднигой гэрэл зураг.
