854
Буряад Уласай Л.П.Сахьянова болон П.Т.Абашеевэй нэрэмжэтэ хатарай коллледжын 35 шабинар Хара далайн эрьедэ оршодог “Сириус” түбтэ июнь, август һарануудай туршада амарха, хатарта һураха юм.
Олимпиин хангалгын байгууламжада үндэһэлэн “Бэлиг талаан болон амжалта” гэһэн болбосоролой жасада байгуулагдаһан “Сириус” түб жэл бүри тамирай, соёлой, эрдэм ухаанай һалбарида шалгарһан бэлиг талаантай үхибүүдые угтан абадаг юм.
Буряад Уласай эдир хатаршад бүхы дэлхэйдэ мэдээжэ баледэй ододой харуулһан мастер-классуудта хабаадаха, Ород гүрэнэй хатарай һургуулинуудай шабинар болон оюутадтай дүй дүршэлөөрөө хубаалдаха, түсэлнүүдые бэелүүлхэ юм. “Айсберг” гэһэн олимпиин мүльһэн ордондо хатарай заалнууд түхеэрэгдэнхэй.
“Бэлиг талаан болон амжалта” жасын гэшүүн, эмхидхэн байгуулагша Светлана Юрьевна Захарова болон жасын мэргэжэлтэ шүүбэриин зүблөөнэй гэшүүн Марина Константиновна Леоновагай хүтэлбэри доро Москвагай гүрэнэй хатарай академи хатарай урлагай программа бэлдэжэ хүтэлбэрилхэ.
Буряадай хатарай колледж “Бэлиг талаан болон амжалта” гэһэн жасатай эдэбхитэйгээр ажалаа ябуулдаг юм.
"Сириус" түбэй сайтһаа гэрэл зураг абтаба.
