943
Ород, Хитад, Монгол гүрэнүүдэй аяншалгын һалбариин хүтэлбэрилэгшэд болон түлөөлэгшэдэй зүблөөн Улаан-Үдэдэ мүнөөдэр эмхидхэгдэнэ. Энэ зүблөөндэ Ородой Холбоото Уласай Аяншалгын федеральна агентствын хүтэлбэрилэгшэ Олег Сафонов, Монгол гүрэнэй Оршон тойроной болон аяншалгын яаманай гүрэнэй секретарь Цэгмидийн Цэнгэл гэгшэдтэй уулзалгын үедэ улас дотор Монгол гүрэнэй аяншалагшадта һайн шанартай хангалгын байгууламжатай, ариг сэбэр оршон тойрондо амарха арга дурадхахаар бэлэнбди гэжэ Буряад Уласай Толгойлогшын уялгануудые дүүргэгшэ Алексей Цыденов дуулгаба.
- Буряад Уласта хүндэмүүшэ арад зон. Жэл бүри Монгол гүрэнһөө аяншалагшадай тоо олошорно. Айлшадта харуулха, һонирхуулха газарнууд олон. Тэдэ газарнуудаа хүгжөөнэбди. Ганса Байгалай газар дайда һонирхол татана бэшэ, үндэһэн соёлой, эмнэлгын, шажанай болон түүхэтэ һонирхолтой газарнууд олон, - гэжэ Алексей Цыденов хэлэбэ.
Буряад Уласай Толгойлогшын уялгануудые дүүргэгшын хэлэһэнэй ёһоор, Монгол айлшад өөһэдөө һонирхоһон газараараа аяншална.
- Бидэ дуратайгаар монгол аяншалагшадые угтан абанабди. Тэдэнэй һайн шанартай хангалгын байгууламжатай, ариг сэбэр оршон тойрондо амарха талаар ажал ябуулнабди, - гэжэ
Алексей Цыденов хэлэбэ.
Улас дотор аяншалга хүгжөөлгын, Байгал далайн оршон тойрониие ариг сэбэр байгуулха асуудалнуудта анхарал хандуулһандань Олег Сафоновто Буряад Уласай Толгойлогшын уялгануудые дүүргэгшэ баяраа мэдүүлбэ. Тэрэнэй хэлэһээр, Буряадта аяншалга хүгжөөлгын 4 бүлэг түсэлнүүд бэелүүлэгдэжэ байна.
Ород, Монгол гүрэнүүдэй хоорондо аяншалагшадай тоо жэлһээ жэлдэ олошорно. 2015-2016 онуудта 2014 онтой жэшэхэдэ, монгол аяншалагшадай тоо 38%-ээр ехэ болоо, Ородой Холбоото Уласһаа Монгол гүрэн руу аяншалһан хүн зоной тоо 25%-ээр ехэ болоо гэжэ Ородой Холбоото Уласай Аяншалгын федеральна агентствын хүтэлбэрилэгшэ Олег Сафонов тэмдэглэбэ.
- Энэнь ехэ һайшаалтай. Саашадаашье энэ талаар ажалаа үргэлжэлүүлхэбди. Аяншалгын бүхы һалбари хүгжөөхэ талаар эдэбхитэйгээр ажал эрхилнэбди. Улас дотороо аяншалга хүгжөөлгын федеральна тусхай зорилго табиһан программада Буряад Улас түрүүлэн ябана, - гэжэ Олег Сафонов хэлэбэ.
Ородой Холбоото Уластай аяншалгын асуудалнуудаар харилсахаар бэлэн байһанаа Монгол гүрэнэй Оршон тойроной болон аяншалгын яаманай гүрэнэй секретарь Цэгмидийн Цэнгэл дуулгаба. “Степной путь”, Ород-Монгол-Хитад гүрэнүүдэй “Великий чайный путь” гэһэн түсэлнүүд Монголой Засагай газар ехэтэ һонирхуулна. Как бы ни манили лёгкие деньги людей, исход практически всегда один - проигрыш. Человек готов отдать последнее, чтобы отыграться, но результат всё равно отрицательный рабочее зеркало. А дальше начинаются проблемы с семьёй и друзьями, кредиты, воровство и т.д.
- Хяагтын хилэ гарадаг шалгалтын пунктые улам һайжаруулха тухай дурадхал оруулнаб. 2017 оной дүүрэтэр тэдэнэй тоо олошоруулха талаар Ород гүрэнэй ябуулжа байһан ажал дэмжэнэб, - гэжэ Цэгмидийн Цэнгэл хэлэбэ.
2018 оной июль һарада үнгэргэгдэхэ аяншалгын һалбариин түлөөлэгшэнэрэй хабаадаха 3-дахи зүблөөнэй урда тээ, Цэгмидийн Цэнгэл Олег Сафоновые Монгол гүрэн айлшалхыень уриба.
Анна Огороднигой гэрэл зураг.
