794
Буряад Уласай Арадай хуралай 12 һунгамалнууд Ярууна аймагай байгуулагдаһаар 90 жэлэй ойн баярай хэмжээ ябуулгада хабаадахаяа ерэнхэй.
Аймагай Соёлой байшанда эмхидхэгдэһэн олониитын баяр ёһололой суглаанда тэдэнэр яруунаархидые халуунаар амаршалба.Буряад Уласай Арадай Хуралай Нютаг можо хоорондын харилсаанай, үндэһэ яһатанай асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хорооной түрүүлэгшэ Цыденжап Батуев, Арадай Хуралай Эдэй засагай, байгаалиин нөөсэнүүдые ашаглалгын болон оршон тойронхи байгаали хамгаалгын хорооной түрүүлэгшын орлогшо Баин Гуробазаров гэгшэд баярай үгэнүүдые хэлэһэн байна.
Ородой Холбоото Уласай Гүрэнэй Дүүмын һунгамал байһан, Ярууна аймагта ажаһуудаг гэжэ бүридхэлдэ абтаһан Михаил Слипенчугэй амаршалгануудые Арадай Хуралай һунгамал Баир Цыренов дамжуулба.
Буряад Уласай Арадай Хуралай Хүндэлэлэй грамотануудые Цырен-Даша Доржиев яруунаархидта барюулба.
