876
Буряад Уласай Толгойлогшын уялгануудые дүүргэгшэ Алексей Цыденов Баргажан аймагай ажаһуугшадтай уулзалгын үедэ хуби ниилүүлһэн нээмэл «Россети» бүлгэмэй толгойлогшо Олег Бударгин августын 29-дэ манай улас ерэхэ гэжэ хэлэбэ.
Багаханааршье һалхинай үлеэхэдэ, зайн гал унтаршана гэжэ Баргажан аймагай ажаһуугшад уласай хүтэлбэрилэгшэдэ хэлэбэ. Тэрэниие заһабарилха мэргэжэлтэн Баргажанһаа ерэтэр, хүнүүд удаан сагта харанхыда һууха баатай юм.
Буряад Уласай нютагуудта зайн гал унтардаг байна, энэ асуудалаар статистикын тоо баримтануудые бэлдэхыень уласай хүтэлбэрилэгшэ хэлэбэ. Удаань «Россети» бүлгэмэй толгойлогшо Олег Бударгинтай энээн тухай зүбшэн хэлсэхэ тухайгаа Алексей Цыденов тэмдэглэбэ.
"Россети" бүлгэмэй архивһаа. Николай Симониной гэрэл зураг.
