865
Ородой Холбоото Уласай яаманда хүдэлдэг Буряадһаа гарбалтай залуу мэргэжэлтэдтэй Буряад Уласай Толгойлогшын тушаалда һунгагдаһан Алексей Цыденов уулзаба.
«Тамирай халаан бэлдэхэ федеральна түб» гэһэн гүрэнэй холбоото уласай бюджедэй эмхи зургаанай методическа таһагай дарга Елена Сандаковагай хэлэһээр, уласай хүтэлбэрилэгшын дэмжэлгээр Буряад Уласта спорт хүгжэхэ.
«Бүхы можо нютагуудай хүтэлбэрилэгшэд иимэ уулзалгануудые үнгэргэдэггүй гэжэ һананаб. Москва хотодо хүдэлөөшье хадаа, бидэ түрэл Буряадаа мартадагүйбди. Алексей Самбуевичай иимэ дэмжэлгээр Буряад Уласта спорт хүгжэхэ!», - гэжэ Facebook хуудаһандаа Елена Сандакова бэшэбэ.
Ородой Холбоото Уласай Спортын сайдай орлогшо Павел Новиковтой Буряад Уласай Толгойлогшын тушаалда һунгагдаһан Алексей Цыденов уулзаа гэжэ һануулнабди. Тэдэнэр Улаан-Үдэдэ мүльһэнэй ордон бариха тухай хэлсэһэн байна.
Елена Сандаковагай гэрэл зураг.
