647
Ородой Холбоото Уласай онсо байдалай талаар яаманай Буряадтахи хүтэлбэри болон эрхэтэдэй баталан хамгаалгын болон онсо байдалай талаар уласай агентство худалдаа-наймаанай түбүүдтэ түймэрэй аюулгүй байдалай талаар шалгалта үнгэргэхэ юм. Энээн тухай мүнөөдэр түсэблэлгын суглаанда Буряад Уласай Толгойлогшо Алексей Цыденов хэлэбэ.
«Ехэ аюул тохёолдоо, олон хүн наһа бараа. Худалдаанай бүхы түбүүдые шалгаха хэрэгтэй. Кемероводо болоһон гэнэ усал хаража үзэжэ, бүхы алдуу, дутуу дундануудые хараалан, улас дотор иимэ ушар тохёолдохогүй талаар ажал ябуулха хэрэгтэй», - гэжэ Алексей Цыденов тэмдэглэбэ.
Кемерово можын Толгойлогшо Аман Тулеевтэ Буряадай хүтэлбэрилэгшэ шаналал гашуудалаа мэдүүлһэн телеграмма эльгээгээ. Уридшалһан мэдээгээр, худалдаа-наймаанай түбтэ болоһон түймэртэ 48 хүн наһа бараа.
