759
Ородой Холбоото Уласай байгаалии нөөсэнүүдэй болон байгаали хамгаалгын сайд Сергей Донскойтой хамта Эрхүү можын Засагай газарта нүүдэл суглаанда хабаадаба. Тиихэдэ Ородой Ойн ажахын, Эрхүү можын Засаагй газарай болон Байгалай ЦБК-гай түлөөлэгшэд хабаадалсаа. Суглаанда Буряадай хүтэлбэрилэгшэ Түнхэнэй дархан газарай шиидхэхэ асуудалнууд тухай хэлэбэ.
Буряад Уласай түлөөлэгшэд «Түнхэнэй» дархан газарай хилэ «Снежинский» гэһэн дархан газарай хизаараар үргэдхэхэ тухай хэлэбэ. Тиихэдэ һуурин болон хүдөө ажахын газарнуудые дархан газарай бүридэлһөө гаргаха тухай хэлэһэн байна.
«Түнхэнэй дархан газарай талмайһаа хүдөө нютагуудай газарнуудые гаргаашье һаа, тэрэ 80 мянган га талмайгаар нэмэгдэхэ тухай дансанууд бии. Дархан газарай бүридэлдэ Улаан номдо ороһон ургамалнуудай ургадаг газарнууд оруулагдаха. Апрелиин һүүл болотор Ородой Холбоото Уласай Байгаалиин нөөсэнүүдэй яаманай оруулһан тэмдэглэлнүүдээр түсэл бэлдэжэ, шиидхэбэри түргэн болзорто абахыетнай гуйнабди», - гэжэ уласай хүтэлбэрилэгшэ хэлэбэ.Ородой холбоото Уласай байгаалиин нөөэнүүдэй болон байгаали хамгаалгын сайд Сергей Донской Алексей Цыденовэй үүсхэл дэмжэжэ, һаядаа бүхы ажал хэгдэхэ гэжэ тэмдэглэбэ.
«Дархан газарай бүридэлһөө һууринууд гаргагдажа, тэрэнэй бүридэлдэ Снежинский дархан газар оруулагдаха. Ажаһуугшадай ажахы эрхилхэ болон «Снежинский» дархагн газарай байгаали аршалха талаар шиидхэбэринүүд абтана. Хүнүүд эзэлһэн газарнуудаа дансатай болгожо, һуурин шадар олзын хэрэг эрхилэгшэд ажал ябуулха газартай болохо аргатай», - гэжэ уласай хүтэлбэрилэгшэ хэлэбэ.
Суглаанай үедэ хуули бусаар ой модо отологшодтой ажал ябуулха, «2012-2020 онуудта Байгалай дархан газарай ниигэмэй-эдэй засагай хүгжэлтэ болон Байгал далай хамгаалга» гэһэн федеральна программын хэмжээндэ сэбэрлэлгын түхеэрэлгэнүүдэй түсэл зохёолго болон барилга, байгаалида хохидол үзүүлһэн обьектнүүдые усадхалга гэһэн асуудалнуудаар хэлсэһэн байна.
Буряад Уласай Засагай газарай хэблэлэй албанай гэрэл зураг
