860
Буряад Уласай Үндэһэтэнэй музейдэ “Научное наследие И. И. Соктоевой в свете актуальных проблем современного изобразительного искусства” гэһэн Бүхэроссиин эрдэмэй-практическа хуралдаан эмхидхэгдэбэ. Энэ хэмжээ ябуулгада Ородой Холбоото Уласай можо нютагуудай, Монгол, Хитад болон Япониин уран зураашад, соёл урлаг шэнжэлэгшэд хабаадаа. Ирина Геннадиевна Горлова, Александра Юрьевна Митлянская болон Зандан Даши-Нимаевич Дугаров хэмжээ ябуулга хүтэлбэрилөө.
Уран зураашад, соёл урлаг шэнжэлэгшэд мүнөө үеын соёл урлагай һалбариин ёһо заншалай хубилалта, шэнэ юумэн тухай хэлсэһэн байна. Тиихэдэ Буряад болон Ородой Холбоото Уласай соёл шэнжэлэлгын эрдэмэй һалбариин байгуулгада Инесса Ильинична Соктоевагай эрдэмэй хүдэлмэринүүдэй үүргэ гэһэн шухала сэдэбээр зүбшэбэ.
Хуралдаанай хоёрдохи үдэртэ Ородой Холбото Уласай болон Буряад уласай соёл урлагай габьяата хүдэлмэрилэгшэ, соёл урлаг шэнжэлэгшэ, уран зураашадай академиин гэшүүн Инесса Соктоева сугларагшадтай уулзаһан байна.
