1165
Мүнөөдэр, августын 23-да, Буряад Уласай Толгойлогшо Алексей Цыденов албанай хэрэгээр Хойто-Байгалай аймаг гараба.
Уласай хүтэлбэрилэгшэ хизаарламал харюусалгатай «БайкалНедраГео» бүлгэмэй үйлэдбэриин баазада хүрэхэ. Эндэ калиин удобрени олзоборилжо эхилхээр түсэблэгдэнхэй. 2017 ондо Калюмный уурхайда олзоборилхо, шэнжэлхэ үнэмшэлгэтэй боложо, баазада барилга эхилэнхэй. Тиихэдэ техникэ худалдан абтанхай, шэнжэлгэнүүд хэгдэнэ.
Удаань Алексей Цыденов Нижнеангарск һууринай БАМ-ай барилгашадай аллейдэ хүрэхэ. Эндэ «Болбосон түхэлтэй хотын оршон байгуулга» гэһэн федеральна түсэлөөр заһабари хэгдээ. БАМ-ай барилгашадай аллейдэ гэрэлтүүлгэ хэгдээ, һандалинууд, бог шорой суглуулха һабанууд табигдаа, хүүгэдэй талмайнууд байгуулагдаа.
«Хойто Байгалай домогууд» гэһэн аллейн болон Северобайкальск-Новый Уоян-Таксимо харгыда мостоор хүндэлэн гараха объектнүүдэй нээлгын ёһололдо Буряад Уласай Толгойлогшо хабаадаха. Удань Алексей Цыденов хотын болон хүдөө нютагуудай һомонуудай хүтэлбэрилэгшэдтэй, Нижнеангарскын түбэй больницын хүдэлмэрилэгшэдтэй, агнуури хинадаг гүрэнэй инспектор болон Хойто Байгалай загаһа харууһалга, хиналгын талаар ахамад инспектортэй уулзаха.
