Мүнөөдэр, октябриин 31-дэ, Буряад Уласай Арадай Хуралай 6-дахи зарлалай һунгамалнууд ээлжээтэ сессиеэ эхилбэ.
Һунгамалнуудай ажалаа эхилхын урда, һайхан заншалаар шагналнууд барюулагдаба. Ажалдаа үнэн сэхээр хандаһанай түлөө Федерациин Зүблэлэй Хүндэлэлэй грамотада - Анатолий Кушнарёв, Буряад Уласай урда габьяагай түлөө медальда - Леонид Селиверстов хүртэбэ. Буряад Уласай Арадай Хуралай һунгамалай үнэмшэлгэ Семён Покацкийда барюулагдаа.
Сессидэ 56 асуудал зүбшэн хэлсэхэ юм. Тэрэ тоодо «2018 оной болон түсэбтэ 2019-2020 онуудта уласай бюджет тухай» Буряад Уласай хуулида хубилалта оруулха тухай» (нэгэдэхи, хоёрдохи уншалганууд) болон «2019 оной болон түсэбтэ 2020-2021 онуудай уласай бюджет тухай» (нэгэдэхи уншалга) гэһэн хуулиин түлэбүүдээр ажал ябуулагдаха. Һунгамалнууд 2019 оной бюджедэй олзо, гарша, дутагдал гэһэн шухала хэмжээнүүдые баталха юм.
Буряад Уласта наһанайнгаа амаралтада гараһан хүнүүдэй ажамидаралай доодо хэмжээн тухай һунгамалнууд хэлсэхэ. «Ажаһуугшадай өөртөө хэрэглэхэ модо бэлэдхэхэ гурим, хуули тухай», «Буряад Уласай Болбосорол тухай», «Элүүр мэндын уялгата даадхалай жасын 2019 болон түсэбтэ 2020-2021 онуудай бюджет тухай» гэһэн хуулинуудта хубилалтанууд оруулагдаха.
Буряад Уласай Арадай Хуралай тус сессидэ Арадай Хуралай Зүблэлэй, Арадай Хуралай нютагай засагай байгууламжануудай түлөөлгын эмхиин зүблэлэй, Арадай Хуралай 4 комиссиин бүридэл байгуулагдаха. Тиихэдэ «Арадай һунгамал» гэһэн һунгамалнуудай бүлэг бүридхэлдэ оруулха тухай сессидэ хэлсэхэ юм.