720
Буряад Уласай Толгойлогшо Алексей Цыденов Ородой Холбоото Уласай можо нютагуудай хүгжэлтын талаар Засагай газарай комиссиин суглаанда хабаадаа. Ородой Холбоото Уласай Засагай газарай Түрүүлэгшын орлогшо Виталий Муткогой хүтэлбэри доро суглаан Москва хотодо үнгэргэгдэһэн байна.
Үндэһэтэнэй түсэлнүүдые бэелүүхэ, можо нютагуудта магистральна хангамжа һэльбэн шэнэдхэхэ, үргэдхэ гэһэн шухала асуудалнуудаар суглаанда хэлсэбэ.
2019-2024 онуудта бэелүүлэгдэхэ үндэһэтэнэй түсэлнүүдтэ хабаадаха тухай Буряад Улас мэдүүлгэнүүдые эльгээһэн байна. Түсэлнүүдые нэрлэбэл,
«Экологи», «Элүүрые хамгаалга», «Болбосорол», «Демографи», «Эрдэм», «Гэр байра болон хотын оршон», «Соёл», «Автомобильнуудай аюулгүй, һайн шанартай харгынууд», «Бага болон дунда олзын хэрэг эрхилэлгэ, олзын хэрэг эрхилэгшэдэй эдэбхи үүсхэл дэмжэлгэ», «Уласхоорондын коопераци болон экспорт». Эдэ түсэлнүүдые бэелүүлгэдэ 340 миллиард түхэриг хэрэгтэй, тэрэнэй 327 миллиард федеральна бюджетһээ һомологдохо.
Буряад Уласай Толгойлогшын даабаряар федеральна түсэлнүүдтэ хабаадаха гэжэ нэмэлтэ хэмжээ ябуулганууд оруулагдаа. Тодорхойлбол, Новоильинск-Шэнэ Уоян шэглэлдэ түмэр замай һужаа, Тальцы станцида, Хяагта хотодо тээбэриин-логистикын объектнүүдые, Наушки һууринда таможниин-логистикын терминал, автомобильнуудай хоёр дабхар харгы бариха, Ородой Холбоото Уласай Засагай газарай 2018 оной мартын 2-то абтаһан 215-дахи тогтоолоор Улаан-Үдэ–Новосибирск, Улаан-Үдэ–Санкт-Петербург, Улаан-Үдэ–Екатеринбург, Улаан-Үдэ–Сочи, Улаан-Үдэ–Владивосток шэглэлээр авиазамуудые тэдхэмжэтэй бүридхэлдэ оруулжа, уласай авиамаршрут хүгжөөхэ, портнуудые барилга болон бусад.
Ородой Холбоото Уласай можо нютагуудай хүгжэлтын талаар Засагай газарай комисси хадаа залан хүтэлбэриин таһаг болоно. Ород гүрэнэй холын хараата, хизаар дэбисхэрэй түсэблэлгын талаар дансануудые бэлэдхэхэдээ, федеральна, можо нютагуудай, нютагай засагай байгууламжын засаг зургаануудай хоорондохи ажал гуримшуулха зорилготой юм.
Анна Огороднигой гэрэл зураг
