773
Ородой Холбоото Уласай Юрэнхылэгшын Алас Дурнын федеральна тойрогто бүрин эрхэтэ түлөөлэгшэ Юрий Трутневай хүтэлбэри доро Владивосток хотодо үнгэргэгдэһэн суглаанда Буряад Уласай Толгойлогшо Алексей Цыденов үсэгэлдэр хабаадаба.
2025 он он болотор, тиихэдэ 2035 он болотор холын хараата түсэбүүдээр Алас Дурнын федеральна тойрогой хүгжэлтын үндэһэтэнэй программануудай бэлэдхэл тухай, Алас Дурнын федеральна тойрогой дэбисхэртэ Юрэнхылэгшын майн тогтоолнууд яажа бэелүүлэгдэнэб гэжэ суглаанда хэлсэбэ.
Ородой Холбоото Уласай Юрэнхылэгшын Алас Дурнын федеральна тойрогто бүрин эрхэтэ түлөөлэгшэ Юрий Трутнев оролто үгэдөө жэлэй дүүрэтэр Алас Дурнын федеральна тойрогой хүгжэлтын программануудта Буряад Улас болон Үбэр Байгалай хизаар оруулха хэрэгтэй гэжэ тэмдэглэбэ. Энэ ажал ябуулгада хуули-эрхын актнуудта хубилалатануудые оруулха хэрэгтэй. Тиихэдэ Юрий Трутнев ноябриин 30-да Буряад улас ерэхэ тухайгаа дуулгаба.
- Буряад Улас болон Үбэр Байгалай хизаарта Алас Дурынын хүгжэлтын программанууд бэелүүлэгдэхэ. Эндэ бидэнэй байгуулһан хүгжэлтын институдууд ажалаа ябуулха. Инвестициин түсэлнүүдые бэелүүлхэ, хангалгын байгууламжа бариха, мүнгэ һомологшодые хабаадуулха талаар, ажаһуугшадай мэргэжэлтэй болохо талаар болон бусад хэмжээ ябуулгануудта туһа хүргэгдэхэ. Энэ долоон хоногто эдэ можо нютагуудаар ябажа, хүтэлбэрилэгшэдтэй уулзаха түсэбтэйб. Хэхэ ажал ехэ, - гэжэ Юрий Трутнев хэлэбэ.
Буряад Уласай Толгойлогшо Алексей Цыденов Алас Дурнын федеральна тойрогто Буряад Уласай оруулагдаһан ушар шэнэ арга боломжонуудые нээбэ гэжэ тэмдэглэһэн байна.
- Алас Дурнын федеральна тойрогто Буряад Уласай оруулагдаһанда Ородой Холбоото Уласай Юрэнхылэгшэ Владимир Путинда, Дмитрий Медведев түрүүтэй Засагай газарта баяраа мэдүүлнэб. Алас Дурнын федеральна тойрогой бүридэлдэ оруулагдаад байһан богонихон болзорто гэр байрын, транспортын, үхибүүдые нарайлалга дэмжэхэ программануудта хабаадажа эхилээбди, - гэжэ Буряад Уласай Толгойлогшо Алексей Цыденов хэлэбэ.
