​"Бууза мушхадаг буряад заншалтай гэр бүлэһөөб"

Багахан ябахадаа, Сагаалхын баярые яагаад угтадаагаа Буряад Уласай Засагай газарай Түрүүлэгшын орлогшо - Буряад Уласай Толгойлогшын болон Засагай газарай захиргаанай хүтэлбэрилэгшэ Баир ЦЫРЕНОВ "Буряад үнэн" сониндо хөөрэбэ.

Баир Дашиевичай тэмдэглэһээр, минии бага наhан Нижнеангарскда үнгэрһэн. Сагаалганай морилхо үдэр заатагүй үглөөгүүр эртэ һэрихэт гэжэ гүлмэрхэн бидэндээ Роза Галдановна эжымнай захидаг бэлэй. Тиигэжэ үдэшэнһөө бэлдэлгэ ябуулагдадагһааб даа. Гол түлэб буузаяа мушхадаг һэмди. Тиихэ үеэрбууза болбол һайндэртэл табигдадаг эдеэнэй нэгэн бэлэй. Мүнөө дуратай сагтаа бууза эдинэбди.Үглөөгүүр бодожо мэндэшэлсэдэг һэмди. Даша Мункуевич абымнай дэгэлэй бүһэ эжын бүһэлжэ байхыеньбүүр-түүр һананам. Тиихэдээ буряадаараа “Сайн байна!”гэлсэдэг бэлэйбди.

Зүблэлтэ засагай үе байжа, Бурханаа дэлгээхэ ёһо хорюултай һааб даа. Гэбэшье Сагаалганай үеэр шэхэр бэлэгтэ хүртэһэндөө ехэ баяртайнууд байгша һэмди.