1024
Мүнөөдэр, майн 16-да, Буряад Уласай Толгойлогшо Алексей Цыденов албанай хэрэгээр Хяагта аймагаар ябажа, болбосоролой, элүүрые хамгаалгын, соёлой эмхинүддтэ хүрэжэ, хүдөө ажахы эрхилэгшэд болон ажаһуугшадтай уулзаха юм. Буряад Уласай Толгойлогшотой хамта асуудалнуудые байра дээрэнь шиидхэхэ гэжэ яамануудай болон эмхи зургаануудай хүтэлбэрилэгшэд Хяагта аймаг гараһан байна.
Уласай хүтэлбэрилэгшэ Энхэ-Тала, Кудара-Сомон нютагуудта заһабарилагдаһан соёлой байшангуудые хаража, Хяагта хотын аюултай болоһон соёлой байшанда хүрэхэ юм. Тиихэдэ газаар түлэгдэдэг котельнитэй Хяагтын 2-дохи һургуули, Монгол уласай ород хэлэтэй һургуулинуудые залан хүтэлбэрилдэг Хяагтын 4-дэхи һургуули, заһабарилагдаха, тамирай танхим баригдаха Хяагтын 3-дахи һургуулида хүрэхэ түсэбтэй. Хяагта хотодо архитектурын хүшөө гээд тоологдодог, үмхиржэ байһан «Теремок» гэһэн хүүгэдэй сэсэрлигэй байдалыень Алексей Цыденов хараха.
Удаань Хяагта аймагай Ивановка нютагай «Буян» гэһэн хүдөө ажахын үйлэдбэридэ Алексей Цыденов хүрэхэ юм. Энэ ажахыда хальмаг, сагаан толгойто казах үүлтэрэй мал, Үбэр Байгалай үүлтэрэй адуу үсхэдэг, талха, таряа ургуулдаг.
Хяагта аймагай түбэй больница Алексей Цыденов хүрэжэ, асуудалнуудые шиидхэхэ. Энэ больницын зарим таһагуудта заһабарилга хэгдэхээр болонхой юм.
Буряад Уласай мэдээсэлэй албанай гэрэл зураг
